| e-texts navigator |
| Wylie |
7a1 བསྐྱོད་པ་ཉིད་དོ།། ཐིག་ལེའི་འོད་ལྔ་རང་ལས་འབྱུང་བ་ཉིད་དོ།། དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེ་ལྟ་བུ་དང་གཉིས་སུ་མེད་པར་ཐབས་ཅིག་ཏུ་སྙོམས་པར་བཞུགས་སོ།། ཞེས་ནོར་བུ
7a2 ཕྲ་བཀོད་ཆེན་པོའི་རྒྱུད་ལས། གླེང་གཞིའི་ལེའུ་སྟེ་དང་པའོ།། །། དེ་ནས་རིགས་ཀྱི་ལྷ་མོ་ཡིས།། བཅོམ་ལྡན་རང་རིག་དོན་ལྡན་ལ།། འདུན་པའི་ཚུལ་གྱིས་རབ་ཏུ་ཞུས།། ཀྱེ་ཀྱེ་བཅོམ་ལྡན་སྟོབས་ལྡན
7a3 པ།། རིགས་ཀྱི་ལྷ་མོའི་ཚོགས་རྣམས་ལ།། རང་གི་གཏན་ཚིགས་ཐབས་ལྡན་གསུངས།། དེ་སྐད་ཞུ་བ་ཞུས་གྱུར་ནས།། ནམ་མཁའ་དག་ལ་རབ་གནས་སོ།། དེ་ནས་རང་རིག་བཅོམ་ལྡན་འདས།། ཉེ་བའི་འཁོར་དང
7a4 བཅས་པ་ཡིས།། ལྷ་མོ་རྣམས་ལ་བཀའ་སྩལ་པ།། ཨེ་མ་སངས་རྒྱས་རྗེས་བཟུང་ཕྱིར།། ཁྱོད་ལ་ང་ཡིས་ལེགས་པར་བསྟན།། མ་ཡེངས་གུས་པའི་ཚུལ་གྱིས་ཉོན།། གཏན་ཚིགས་ཐབས་ཀྱི་ཡན་ལག་ཀྱང་།། བསམ
7a5 གྱིས་མི་ཁྱབ་གྲངས་མང་ཡང་།། གསང་སྔགས་ངེས་དོན་གཏན་ཚིགས་འདི།། འབྱུང་བར་འགྱུར་བ་མ་ཡིན་པས།། གསང་སྔགས་གཏན་ཚིགས་ཁྱེད་ཀྱིས་ཟུང་།། ཡང་དག་ངེས་པའི་ལུང་འདི་ཉོན།། མདོ་དོན་གཏན
7a6 ཚིགས་རྒྱས་བཤད་ཀྱིས།། ལེགས་པར་ངེས་པའི་དོན་ལ་ཉོན།། དྲང་བའི་ཐེག་པ་རྣམ་མང་ཡང་།། ངེས་པ་དོན་གྱི་མདོ་སྡེ་འདི།། འགའ་ཡང་འབྱུང་བར་མ་བཤད་དོ།། སངས་རྒྱས་ཡེ་ཤེས་ལམ་འཛིན་པས།། ངེས
iiif viewer powered by OpenSeadragon
