| e-texts navigator |
| Wylie |
6a1 དོ།། ཡེ་ཤེས་ཀྱི་དཀྱིལ་འཁོར་ཀུན་ཏུ་སྟོན་པ་ཉིད་དོ།། མཛེས་པའི་འོད་ཟེར་ཕྱོགས་བཅུར་འཕྲོ་བ་ཉིད་དོ།། སྣང་བའི་འདུ་འཕྲོ་ཅིར་ཡང་སྣང་བ་ཉིད་དོ།། ཡེ་ཤེས་ཀྱི་ཐབས་གང་ལ་ཡང་མ་འགགས
6a2 པ་ཉིད་དོ།། ཐུགས་ཀྱི་ཀློང་ནས་དགོངས་པའི་འོད་ཟེར་རང་ཤར་བ་ཉིད་དོ།། སངས་རྒྱས་ཀྱི་ཞིང་ཁམས་སྐུ་མངོན་པར་སྣང་བ་ཉིད་དོ།། གསང་བའི་སྒྲོན་མ་ཕྱོགས་གང་ལ་མི་གནས་པ་ཉིད་དོ།། ཤེས་རབ་ཀྱི་ངོ་བོ
6a3 ཕྱོགས་གར་ཡང་ཐོགས་པ་མེད་པ་ཉིད་དོ།། སྐུ་གསུམ་གྱི་སྣང་བ་མཐའ་རྣམ་པ་དག་པའི་ཉིད་དོ།། ཆོས་ཉིད་ཀྱི་དབྱིངས་རྒྱ་གར་ཡང་མ་ཆད་པ་ཉིད་དོ།། ཆོས་སྐུའི་སྣང་བ་ཕྱོགས་གང་དུ་ཡང་མ་ལྷུངས་པ་ཉིད
6a4 དོ།། ཡེ་ཤེས་ཀྱི་སྒོ་བཞི་སྐྱེ་འགག་མེད་པར་གསལ་བ་ཉིད་དོ།། ཐིག་ལེ་འདུ་འཕྲོ་འབྱུང་འཇུག་མེད་པར་རྟོགས་པ་ཉིད་དོ།། ཞི་བའི་སྐུ་ལ་འཕེལ་འགྲིབ་མེད་པར་ཀུན་ཏུ་སྣང་བ་ཉིད་དོ།། གསང་སྔགས་ཀྱི་ལམ
6a5 ལ་ཐབས་མ་འགགས་པར་སྣང་བ་ཉིད་དོ།། ཁྲོ་བོའི་སྐུ་ལ་རྒྱན་མེད་པར་སྒེག་པ་ཉིད་དོ།། ཡེ་ནས་གནས་པའི་ཐུགས་རྗེ་ལ་འགག་པ་མེད་པ་ཉིད་དོ།། བལྟ་བ་རང་བྱུང་གི་ཡེ་ཤེས་ལ་རྩིས་དང་བྲལ་བ་ཉིད་དོ།། ཆོས
6a6 ཅན་ཡུལ་གྱི་སྣང་བ་ཀུན་ཏུ་མཐའ་ཡས་པ་ཉིད་དོ།། སྐུ་མི་ཟད་པ་རྒྱན་གྱི་འཁོར་ལོ་རྒྱུན་དུ་བསྐོར་བ་ཉིད་དོ།། སྤྱོད་པ་རྨད་བྱུང་གི་ཡེ་ཤེས་ཀུན་དང་མཐུན་པ་ཉིད་དོ།། སྒོམ་པ་རང་གསལ་གྱི་ཡེ་ཤེས་མ་གཡོས་པ
iiif viewer powered by OpenSeadragon
