| e-texts navigator |
| Wylie |
5b1 སྩལ་པ། ཨེ་མ་རིགས་ཀྱི་བུ་རྣམས་མ་ཡེངས་པར་ཉོན་ཅིག། གསང་སྔགས་ཐབས་ཀྱི་ཡེ་ཤེས་ངས་བཤད་ཀྱིས་མ་ཡེངས་པར་ཉོན་ཅིག། ཡེ་ཤེས་ཀྱི་ངོ་བོ་རྟོག་མེད་དུ་ཡོད་ཀྱང་རྩལ་རྣམ་པ་སྣ་ཚོགས་སུ་སྣང་བས།།
5b2 སེམས་ཅན་གྱི་བློ་ལ་དྲི་མ་དང་བཅས་ཏེ། རང་སྣང་གསལ་དུ་མ་སྟེར་བས་ཐམས་ཅད་བསྒྲིབས་ནས་སྣང་བའི་རྗེས་སུ་སོང་བའོ།། དེ་ཡང་ཤེས་རབ་ཀྱི་དོན་ཆོད་ན་བསྒྲིབ་ཕྱོགས་ཀྱིས་མ་བསྒྲིབས་པར་བསྟན
5b3 པའོ།། རང་སྣང་ཤེས་རབ་ཀྱི་སྐུ་ངོ་ཤེས་ན། ཆོས་ཐམས་ཅན་གྱི་མདོ་དང་རྒྱས་པ་ཤེས་པར་འགྱུར་ཏེ། ཉོན་མོངས་པ་ཡེ་ཤེས་ཀྱི་སྣང་བར་སློང་བའོ།། དེ་ནས་འདུས་པའི་ཚོགས་དེ་རྣམས་ཤིན་ཏུ་ངོ་མཚར་བར་གྱུར
5b4 ནས་འདི་སྐད་ཅེས་བགྲོས་སོ།། འདི་སྐད་བདག་གིས་ཐོས་ནས་གོ་ཞིང་ཤེས་ནས། རྟོགས་པའི་དུས་གཅིག་ན། རང་རིག་པ་ཐམས་ཅད་ཀྱི་དེ་བཞིན་ཉིད་དུ། བཅོམ་ལྡན་འདས་དཔལ་ཀུན་ཏུ་བཟང་པོ་དང་གཉིས་སུ
5b5 མེད་པར་སྙོམས་པར་ཞུགས་སོ།། དེ་ནས་ཡང་ཆ་ཡིས་མ་བགོས་པའི་ཕོ་བྲང་ཆེན་པོ་ཐུགས་ཙིཏྟའི་དཀྱིལ་འཁོར་ཆེན་པོར་གནས་ཏེ། གསུང་གི་སྤྲུལ་པ་གྲངས་མེད་པས་འགྲོ་བའི་དོན་བྱེད་དོ།། ཐུགས་ཀྱི་དགོངས
5b6 པ་ནི་གཅིག་ལས་མ་གཡོས་པ་ཉིད་དོ།། སྐུའི་ཆོ་འཕྲུལ་ནི་ཅིར་ཡང་སྟོན་པ་ཉིད་དོ།། རང་བྱུང་གི་ཐབས་གཅིག་གི་ངོ་བོ་གང་ལ་ཐམས་ཅད་དུ་སྣང་བ་ཉིད་དོ།། ཆོ་འཕྲུལ་གྱི་ཏིང་ངེ་འཛིན་བསམ་གྱིས་མི་ཁྱབ་པ་ཉིད
iiif viewer powered by OpenSeadragon
