| e-texts navigator |
| Wylie |
384b1 དུ་ཟུང་།། ཐམས་ཅད་སྙིང་པོའི་མ་ལས་གཅིག། ཐམས་ཅད་གཅིག་པའི་རྒྱུད་དུ་ཟུང་།། ཞེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས། དཔེ་དང་རྒྱུད་ཀྱི་མཚན་དོན་དུ་བཀྲོལ་བའི་ལེའུ
384b2 སྟེ་ཉེར་གཉིས་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་མཁའ་འགྲོའི་མ་ཚོགས་ཁྱེད།། བྱིན་གྱིས་བརླབས་ཀྱི་རྒྱུད་འདི་ཟུང་།། ཕྱི་རབས་རྣལ་འབྱོར་ལས་ཅན་ལ།། སྙིང་པོ་དོན་གྱི་ཚིག་རྒྱུད་འདི།། ཕ
384b3 རོལ་ཕྱིན་དྲུག་སྙིང་པོར་བསྟན།། སྙིང་པོའི་དོན་ཤེས་ཤེས་རབ་མཆོག། ཤེས་རབ་ཕ་རོལ་ཕྱིན་པར་སྤྲོས།། དེ་ཡི་དོན་ལ་གཡེངས་པ་མེད།། བསམ་གཏན་ཕ་རོལ་ཕྱིན་པར་སྤྲོས།། རྣལ་འབྱོར་སྙིང་པོའི་ཚུལ་དང་ལྔ
384b4 ན།། ཚུལ་ཁྲིམས་ཕ་རོལ་ཕྱིན་པར་སྨོས།། དེ་རྟོགས་བདེ་སྡུག་གང་ཡང་བཟོད།། བཟོད་པའི་ཕ་རོལ་ཕྱིན་པར་སྤྲོས།། སྙིང་པོ་ཟབ་མོ་དེ་སྦྱིན་པ།། སྦྱིན་པའི་ཕ་རོལ་ཕྱིན་པར་སྤྲོས།། དོན་ལ་གཞན་དོན་དེ་ལོངས
384b5 བརྩོན།། བརྩོན་འགྲུས་ཕ་རོལ་ཕྱིན་པར་སྤྲོས།། ཕ་རོལ་ཕྱིན་པའི་དོན་བསྡུས་པ།། ཡི་གེ་གཅིག་པའི་མདོ་གསུམ་བསྟན།། དེ་ལྟར་འདི་ནི་གཅིག་པའི་སྐོར།། ཐམས་ཅད་གཅིག་པའི་དོན་རྒྱུད་འདི།། རྡོ་རྗེ་དྲག་མོ
384b6 ཁྱོད་ལ་གཏད།། ཁྱོད་ཀྱིས་མཁའ་ཡི་རིགས་ལ་གཏོད།། རྒྱལ་པོའི་སྲས་མོ་ལ་རུང་གི།། དེ་ལ་གཏད་པས་ང་ཡི་ཚང་དང་འཕྲད།། རྡོ་རྗེ་འཆང་བ་ཐ་མ་དེས།། ལས་འཕྲོ་གཅིག་པའི་མཁའ་འགྲོ་གཅིག། བོད་ཡུལ
iiif viewer powered by OpenSeadragon
