| e-texts navigator |
| Wylie |
384a1 གདམས་ངག་ནི།། ཟངས་ཀྱི་སྦུགས་སུ་ཆུང་ཅུག་འདྲ།། གཤོར་གྱི་ནང་དུ་རླུང་བཙུད་འདྲ།། ཐིགས་པ་བཞིན་དུ་གཅིག་སྟེང་གཅིག། བྱ་བརྒྱ་ཐལ་མོ་གཅིག་གིས་འཕུར།། རོལ་བརྒྱ་བཤལ་བ་གཅིག
384a2 གིས་བསུབ།། བརྒྱད་ཁྲི་བཞི་སྟོང་ཆོས་ཉིད་གཅིག། གཅིག་ཏུ་བསྟན་གྱིས་ལེགས་པར་རྟོགས།། གཅིག་པར་བསྟན་པའི་གསང་རྒྱུད་འདི།། ཆོས་ཅན་ཐམས་ཅད་ཆོས་ཉིད་གཅིག། གཅིག་པོ་འཁོར་འདས་སྙིང་པོ
384a3 གཅིག། སྙིང་པོ་ཁྱབ་ཆེན་རྒྱུད་དུ་ཟུང་།། དཔའ་བོ་གཅིག་པ་རྡོ་རྗེ་ཧཱུཾ།། གཅིག་པུ་འགྱུར་མེད་ཐམས་ཅད་འཇོམས།། རྡོ་རྗེ་གཅིག་པའི་རྒྱུད་དུ་ཟུང་།། གཅིག་ནི་སྣ་ཚོགས་ཀུན་གྱི་གཞི།། སྙིང་པོ་ཐམས་ཅད་འབྱུང་བ
384a4 རིན་པོ་ཆེ།། རིན་ཆེན་རང་བྱུང་རྒྱུད་དུ་ཟུང་།། འཇུག་སྒོ་ཐེག་པ་བསམ་འདས་ཀྱང་།། སྙིང་པོ་ཆོས་མིན་ཆོས་ཉིད་གཅིག། ཐམས་ཅད་ཧཱུཾ་ལ་འདུས་པས་ན།། འཐོར་བ་སྡུད་པའི་རྒྱུད་དུ་ཟུང་།། སངས་རྒྱས་ཐམས་ཅད
384a5 འདུས་པ་གཅིག། དགོངས་པ་གཅིག་པའི་རྒྱུད་དུ་ཟུང་།། དེ་ཡི་དགོངས་པ་དེ་ལ་བསྟན།། དགོངས་པ་བརྒྱུད་པའི་རྒྱུད་དུ་ཟུང་།། དེ་ཡི་ལུང་བླངས་དེ་དང་ལྡན།། ལུང་བླངས་ཟབ་མོའི་རྒྱུད་དུ་ཟུང་།། ཚེགས་ཆུང་བར
384a6 ནི་དོན་གཅིག་བསྟན།། མན་ངག་ཟབ་མོའི་རྒྱུད་དུ་ཟུང་།། དེ་ལ་དེ་བསྟན་དེ་ཡང་ཐོབ།། ཐོབ་པ་གཅིག་པའི་རྒྱུད་དུ་ཟུང་།། གནས་ཀྱི་དང་པོའི་འོག་མིན་དུ།། མཁའ་འགྲོ་དྲག་མོ་ཁྱོད་ཀྱི་ཞུས།། མ་རྒྱུད་མ་མོའི་རྒྱུད
iiif viewer powered by OpenSeadragon
