| e-texts navigator |
| Wylie |
382b1 ཤེས་ལ།། ཞེ་སྡང་རང་སྦྱོར་རང་སྲེག་ཡུལ།། འདོད་ཡོན་ཆགས་སྡང་ཚ་གྲང་དང་།། རང་ལ་རང་གསོད་གླང་མགོ་སྲིད།། ལྷ་དང་ཀླུ་དང་གཤིན་རྗེ་ཀླུ།། གཟའ་དང་རྒྱལ་པོ་བདུད་དང་བཙན།། སྲིན་པོ་གནོད་སྦྱིན་མ
382b2 མོ་རྣམས།། མིང་དུ་ཐ་སྙད་དོན་དུ་ཧཱུཾ།། སྤྱི་གཞི་སྙིང་པོ་རང་བྱུང་ངོ་།། མིག་དང་རྣ་བ་སྣ་དང་ལྕེ།། ལུས་དང་ཡིད་དང་རྣམ་ཤེས་དང་།། ཀུན་གཞི་རྣམ་ཤེས་ཚོགས་བརྒྱད་ནི།། མཚན་འཛིན་རང་གནས་སྡེ་བརྒྱད
382b3 དོ།། བརྟེན་པ་ལུས་ནི་སྤྱི་གཞི་ལ།། དོན་སྙིང་དང་ནི་རྩ་རླུང་ཁྲག། སྡེ་བརྒྱད་དངོས་པོར་ཡོད་པ་སྟེ།། མཁལ་མ་གླུ་ཡི་མཁར་ཡིན་ཏེ།། ཆུ་རྩ་རྒྱ་མཚོ་ཆེན་པོ་གནས།། མཚེར་པ་བདུད་ཀྱི་གནས་ཡིན་ཏེ།། ལྷག་པའི
382b4 བདུད་རྩ་ནག་པོར་འབྲེལ།། མཆིན་པ་བཙན་དང་གཤིན་རྗེའི་མཁར།། ཁྲག་མཚོ་སྔོག་པོ་རྩ་དང་འབྲེལ།། གློ་བ་གནོད་སྦྱིན་མ་མོའི་མཁར།། ལས་རླུང་དབུགས་དང་འབྲེལ་པའི་རྩ།། སྙིང་ནི་གཟའ་དང་རྒྱལ་པོའི
382b5 མཁར།། ཀུན་ཁྱབ་རྒྱལ་པོ་འགྱུ་བའི་རྩ།། རྒྱལ་པོ་དཀར་ནག་གཉིས་ཡིན་ཏེ།། སྙིང་སྟོད་དཀར་མཐིང་གཉིས་ལ་གནས།། སྙིང་རྩ་གཟའ་ཡི་རླུང་རྩར་འབྲེལ།། ལྷ་དང་ཁྱབ་འཇུག་ཀླུ་དང་མ།། དབང་དུ་བསྡུ་བ་ཤིན
382b6 ཏུ་གཅེས།། ལྷ་ནི་དབང་ཕྱུག་ཆེན་པོ་སྟེ།། འགྱུ་བ་དབང་ཕྱུག་དབང་དུ་གྱིས།། དྲན་པས་དབང་དུ་འདུས་པ་ཡིན།། གཟའ་ནི་ཚངས་པ་ཁྱབ་འཇུག་སྟེ།། ཡིད་དང་འགྱུ་བས་ཁྱབ་ཅིང་འཇུག། རང་བྱུང་སྙིང་པོ་ངོ་ཤེས
iiif viewer powered by OpenSeadragon
