| e-texts navigator |
| Wylie |
382a1 ཆེ་ཐམས་ཅད་གཅིག་པའི་རྒྱུད་ལས། མཁའ་འགྲོ་མའི་ལེའུ་སྟེ་ཉི་ཤུ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་དྲག་མོ་ཁྱོད།། སྡེ་བརྒྱད་ལྷ་སྲིན་སྙིང་པོའི་རྩལ།། འབྱུང་བ
382a2 འབྱུང་ཕྲན་ནམ་མཁའི་ཀློང་།། ཆོས་སྐུ་སྙིང་པོ་ཀུན་གཞི་ལ།། ལོངས་སྐུ་རང་བྱུང་འགག་མེད་གདངས།། སྦྲུལ་སྐུ་རང་སྣང་ཚོགས་གཉིས་སྟོན།། ཐུབ་དྲུག་སྲིད་པའི་བོན་ཆོས་སྨན།། མོ་བཟོ་ལྷ་སྲིན་དྲུག་ཏུ
382a3 སྦྲུལ།། གདུལ་བྱ་རེ་རེས་མངོན་རྟགས་བསྟན།། སྐུལ་འདེབས་ལྷ་སྲིན་སྡེ་བརྒྱད་ནི།། གླིང་བཞི་རི་རབ་རྒྱ་མཚོ་ཀུན།། ཕྱི་རྟེན་རང་རང་ཆོས་མཐུན་རྟེན།། བརྡའ་རུ་ཕྱི་རབས་རྗེས་འཇུག་ལ།། ཡང་དག་སྙིང་པོ་ཡིན
382a4 ཕྱིར་བསྟན།། གདུལ་བྱ་ཕྱི་ལྟར་དགྱེ་བ་ཡིན།། ལུས་དང་རྣམ་ཤེས་དོན་སྙིང་དང་།། ཡན་ལག་རྩ་རླུང་ཉིང་ལག་ལ།། ནང་རྟེན་རང་རང་ཆོས་མཐུན་ཡོད།། རིགས་དྲུག་ཐུབ་དྲུག་ལུས་ལ་གནས།། སྤྱི་བོའི་རྩ་གྱེས་ཉེ
382a5 དབང་ལྷ།། སུམ་ཅུ་རྩ་གཉིས་བརྒྱ་བྱིན་གཙུག། ལྷ་དང་ཐུབ་པ་བསམ་པ་སྟེ།། ལུས་ཀྱི་རི་རབ་སྟེང་དང་མཐུན།། མགྲིན་པ་རྩོད་པའི་སྒོ་ལྡན་ནས།། ལྷ་མིན་ཐགས་བཟང་བཅས་པ་ཡིན།། སྙིང་ནི་རི་རབ་རྩ་བཞི
382a6 གླིང་།། ང་རྒྱལ་དགེ་སྡིག་ཤཱཀྱའི་མིང་།། ལྟེ་བ་སྲིད་པའི་རྒྱ་མཚོན།། སྣ་ཚོགས་བྱོལ་སོང་སེང་གེ་བརྟན།། གསང་བ་འདོད་ཆགས་སྒྲིབ་པའི་ཡུལ།། ཡི་དྭགས་ཁ་འབར་ཆོས་མཐུན་ཡོད།། ཡན་ལག་དབང་པོ་རྣམ
iiif viewer powered by OpenSeadragon
