| e-texts navigator |
| Wylie |
381b1 ཡང་དབང་ཕྱུག་ཉི་ཤུ་བརྒྱད།། རྗེ་མོ་བཅུ་བཞི་ཡུམ་ཆེན་དྲུག། མཁའ་འགྲོ་སྡེ་བཞི་སྲིད་རྒྱལ་མོ།། སྲིད་པའི་རྒྱལ་མོ་ཞལ་མཐོང་ན།། སྣང་སྲིད་མ་མོ་ཐམས་ཅད་གཟིགས།། ཕྱི་ལྟར་རི་རབ་གླིང་བཞི་མཚོན།། ནང་དུ
381b2 རྩ་རླུང་ཐིག་ལེའོ།། དམན་མོ་ལྔ་བཅུ་རྩ་བརྒྱད་ཀྱང་།། འཁོར་ལོ་རྩ་མདུད་རྣམ་ལྔ་ལ།། རྩ་འདབ་བརྒྱད་བརྒྱད་སྟེང་འོག་གཉིས།། མཐའ་གཉིས་མེད་པས་ལྔ་བཅུ་བརྒྱད།། ལུས་ཀྱི་འཁོར་ལོ་སྤྱི་བོ་མཁའ།། གྱེས
381b3 པའི་རྩ་འདབ་སུམ་ཅུ་གཉིས།། མཁའ་འགྲོ་སུམ་ཅུ་རྩ་གཉིས་རླུང་།། མཁའ་འགྲོ་མ་ཡི་ཆ་འཛིན་ནོ།། སྒལ་ཚིག་ཉི་ཤུ་རྩ་བརྒྱད་ནི།། ཕ་རྩ་ཐིག་ལེ་ཞུགས་པ་དབང་།། དབང་ཕྱུག་ཉི་ཤུ་རྩ་བརྒྱད་ཚོགས་འཁོར
381b4 ཏེ།། མ་དང་བྷྱོ་ཡི་ཚུལ་དུ་གནས།། མགྲིན་པ་ལོངས་སྤྱོད་ཐབས་ཤེས་བཞག། བཞི་བཅུ་རྩ་དང་རྩ་བྲན་ཧཱུཾ།། ཡེ་ནས་སྙིང་པོ་ཀུན་སྐྱེད་བྱེད།། རྗེ་མོ་བཅུ་བཞིའི་ཚུལ་དུ་གནས།། རྣམ་ཤེས་ཚོགས་དྲུག་རྩ་བའི
381b5 ཚུལ།། མཚན་ཉིད་འཛིན་པ་ཧཱུཾ་ལས་མ།། ཡབ་ལས་ཡུམ་ནི་དགྱེས་བྱེད་འདྲ།། དབྱིངས་ཀྱི་ཡུམ་དྲུག་ཚུལ་དུ་གནས།། སྙིང་ནས་རྩ་བཞི་ཡིག་འབྲུ་བཞི།། དངས་མ་འོད་ཀྱི་གདངས་སུ་གནས།། ཐིག་ལེ་ཧཱུཾ་དང་སྙིང་པོ
381b6 མ།། རླུང་བཞི་འོད་དང་ཆས་ནས་འགྲོ། སྙིང་པོ་རང་བྱུང་ཧཱུཾ་ལས་སྲིད།། སྲིད་པའི་རྒྱལ་མོ་ཀུན་འདུལ་མ།། སྤྱི་གཞི་སྙིང་པོ་ཧཱུཾ་གི་གཞི།། སྣ་ཚོགས་ཆོས་རྣམས་སྲིད་པ་ཡིན།། ཞེས་གསུངས་སོ།། སྙིང་པོ་རྡོ་རྗེ་རིན་པོ
iiif viewer powered by OpenSeadragon
