| e-texts navigator |
| Wylie |
381a1 ཁྱོད།། ཕོ་བསྒྲུབ་མོ་བསྒྲུབ་སྔགས་ཀྱིས་དབྱེ།། སྔགས་ནི་ཕོ་མོ་རང་རང་འཛབ།། དཔའ་བོ་གཅིག་འཛབ་ཕོ་ལྟར་བསྒྲུབ།། མཁའ་འགྲོའི་གླུ་ལྔ་མོ་ལྟར་བསྒྲུབ།། ཕྱི་ལྟར་དཀྱིལ་འཁོར་བརྡའ་རུ
381a2 བརྟག། ནང་ལྟར་རྩ་རླུང་ཐིག་ལེའི་ཆོས།། གསང་བ་འགྱུ་བ་ཚིག་དེས་བྱེད།། རང་བྱུང་ལུས་ཀྱི་དཀྱིལ་འཁོར་ལ།། ཕོ་མོ་ཡབ་ཡུམ་མཐའ་དག་རྫོགས།། སྙིང་པོའི་འགྱུ་བ་རང་བྱུང་ལ།། འཁོར་འདས་ཡེ་ཤེས་ཉོན
381a3 མོངས་འབྱུང་།། ཉོན་ཅིག་མཁའ་འགྲོ་མ་མོ་ཁྱེད།། ནམ་མཁའ་སྟོང་པའི་ཀློང་ཡངས་ལ།། འབྱུང་བ་བཞི་པོ་འགྲོ་བར་བྱེད།། ཀུན་གྱི་གཞི་མ་ནམ་མཁའ་ཡིན།། དོན་གྱི་སྙིང་པོ་འདི་ལ་སྦྱོར།། སྤྱི་གཞི་ལུས་ཀྱི་ཁོག་པ
381a4 ལས།། ཡན་ལག་དབང་པོ་རྣམ་ཤེས་འགྲོ།། ཀུན་གྱི་གཞི་མ་རྩ་དང་རླུང་།། སྙིང་པོ་འགག་མེད་རང་ལ་སྦྱོར།། སྤྱི་ཏི་སྙིང་པོའི་མཁའ་ཀློང་ལ།། གཞི་རླུང་འགྱུ་བ་འགག་མེད་གྲོགས།། གར་ཡང་ཐོགས་མེད
381a5 མ་ཐོགས་གྲོགས།། ཡང་དག་ལ་བཟླ་མཁའ་འགྲོ་ཡིན།། འབྱུང་བ་མ་མོ་མཁའ་འགྲོ་ཡིན།། ས་ཆུ་མེ་རླུང་མ་བྲན་འདྲ།། སྤྱི་གཞི་མཁའ་ལ་ཀུན་གཞི་མོ།། འབྱུང་བ་ལྔ་ནི་མ་མོ་ཡིན།། ལུས་ནི་མ་ལ་ཡན་ལག
381a6 མོ།། དབང་པོ་ཉིང་ལག་མ་བྲན་འདྲ།། རི་རབ་ལུས་དང་ཕྱི་ནང་རྩི།། སྲིད་པའི་རྒྱལ་མོ་མ་མོ་ཆེ།། མ་མོ་འབུམ་སྡེ་གྲངས་མེད་ཀྱང་།། དམན་མོ་ལྔ་བཅུ་རྩ་བརྒྱད་འདུས།། དེ་ཡང་མཁའ་འགྲོ་སུམ་ཅུ་གཉིས།། དེ
iiif viewer powered by OpenSeadragon
