| e-texts navigator |
| Wylie |
380b1 དང་རིན་ཆེན་དང་།། སྙིང་པོ་འབྲུ་དང་བཅས་པ་གཅིག། ཁ་རྒྱན་རྩ་གཅིག་ལོ་མ་ཡང་།། ལྔ་སྒྲིལ་གཟུངས་ཐག་གཅིག་བཏགས་ཏེ།། གཙང་མའི་རས་ཀྱིས་མགུལ་བཅིངས་ལ།། མཎྜལ་ཕོ་བྲང་དབུས་སུ
380b2 བཞག། མཚན་ལྡན་ཡ་རབས་ཐོད་པ་རུ།། འབྲུ་བཤོས་ཤ་ཆེན་གཏོར་མ་གཅིག། ཁྲག་ཆེན་མེ་ཏོག་མཐིང་གས་བརྒྱན།། དཀྱིལ་འཁོར་དེ་ཡི་གཡས་སུ་བཞག། བུད་མེད་མཚན་ལྡན་ཐོད་པ་རུ།། ན་ཆུང་རྡོལ་བའི
380b3 མངལ་ཁྲག་དང་།། སྐྱེས་པ་དར་མའི་ཁྲག་དང་ནི།། ཅེ་སྤྱང་ཁྲག་ནི་རབ་ཡིན་ཏེ།། ཁྲག་སྣ་རྙེད་ཚད་ཐ་མའོ།། མཎྜལ་དེ་ཡི་གཡོན་དུ་བཞག། ཐོད་པ་རིན་ཆེན་བུམ་པ་རུ།། གསུམ་བསིལ་འབྲུ་ཡི་ཁུ་བ་ཡི།། བདུད་རྩི
380b4 སྨན་མཆོག་སྩལ་བ་ནི།། སྒྲུབ་པོ་དག་གི་མདུན་སྟེགས་བཞག། དྲག་པོ་ལྕགས་གྱི་ཀོང་བུ་རུ།། ཕོ་མོ་དར་མའི་ཞུན་བླུགས་ལ།། རོ་རས་དྲི་མེད་སྡོང་བུ་གཟུག། སྟེགས་མཐོར་བུམ་པའི་རྒྱབ་ཏུ་བཞག། ཚོགས་དང
380b5 མཆོད་རྫས་ལྡན་པ་བསྒྲུབ།། ཐམས་ཅད་འདུས་པ་ཀུན་གྱི་ལས།། ཆོས་མིན་སྙིང་པོ་རང་བྱུང་འདི།། ཆོས་སྐུའི་ཞལ་གཟིགས་ལོངས་སྐུར་གསལ།། སྦྲུལ་སྐུའི་ལུང་སྟོན་འབྱུང་བར་ངེས།། དཔའ་བོ་གཅིག་སྒྲུབ་དེ
380b6 ལྟར་བསྒྲུབ།། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས། རང་བྱུང་གཅིག་བསྒྲུབ་ཀྱི་ལེའུ་སྟེ་བཅུ་དགུ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་དྲག་མོ
iiif viewer powered by OpenSeadragon
