| e-texts navigator |
| Wylie |
380a1 གཟམ།། སྒྲུབ་པའི་ཆད་པར་ཟག་པར་ཆད།། བྱུང་བ་རྣམ་གཟས་བརྫས་རྒྱས་དང་།། རྩཝ་གསུམ་གྲུབ་མཐའ་འབྲས་པ་དང་།། རྫུ་ལྡན་གསུམ་ཅན་གཅག་ང་སྤྱད།། ཟག་དང་ཐང་བ་མབར་ཟག
380a2 ཡིན།། སྤྲུལ་པའི་འཁོར་ལོ་སྣ་ཚོགས་འཆང་།། སྐུ་གསུམ་འགྲོ་དོན་མཐའ་ལ་སྐྱེལ།། ཞེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས། ཐུགས་རྗེ་དགེ་བཅུ་རང་གཞུང་གི་ལེའུ་སྟེ་བཅོ
380a3 བརྒྱད་པའོ།། །། དེ་ནས་རྡོ་རྗེ་དྲག་མོ་དང་།། མཁའ་འགྲོའི་ཚོགས་དང་སེམས་དཔའ་བཞིས།། རྡོ་རྗེ་འཆང་ལ་འདི་སྐད་གསོལ།། ཀྱེ་ཀྱེ་སྟོན་པ་རྡོ་རྗེ་འཆང་།། འོག་མིན་འདུས་པའི་འཁོར་རྣམས་ལ།། སྙིང
380a4 པོ་དཔའ་བོ་གཅིག་བསྒྲུབ་དང་།། མཁའ་འགྲོ་མ་མོར་རྒྱུད་མཚན་དང་།། བསྟན་པ་འཆར་དུས་གཏད་པ་གསུངས།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་ཁྱེད།། དཔའ་བོ་གཅིག
380a5 སྒྲུབ་ང་ཡིས་བསྟན།། མཎྜལ་གཅིག་དང་བུམ་པ་གཅིག། གཏོར་མ་གཅིག་དང་རཀྟ་གཅིག། བདུད་རྩི་གཅིག་དང་མེ་མར་གཅིག། ཤེས་རབ་ཅན་གྱིས་སྒྲུབ་པར་གྱིས།། བཀྲ་ཤིས་དབེན་པའི་ས་ཕྱོགས་སུ།། དང
380a6 པོ་བླ་མ་མཉེས་བྱས་ལ།། མཎྜལ་ཁྲག་གིས་ཆག་ཆག་གདབ།། ཟླུམ་པོ་སྒོ་བཞི་ཕོ་བྲང་གཅིག། རང་བྱུང་ཧཱུཾ་བྲིས་ཚོན་ལྔས་བསྐོར།། རྡོ་རྗེ་འཆང་གི་དཀྱིལ་འཁོར་ཆགས།། བུམ་པ་མཐིང་ག་འོ་མ་དང་།། སྨན་དང་དྲི
iiif viewer powered by OpenSeadragon
