| e-texts navigator |
| Wylie |
378b1 ལྗོངས་པར་བྱ།། རིན་ཆེན་འཕྲུལ་གྱི་སྙིང་པོ་བསྒོམ།། མ་ཡེངས་གནད་དུ་ཧཱུཾ་དང་འགྲོགས།། ཕྱི་རླུང་སྡོམ་ལ་ནང་རླུང་ཟུང་།། ལུས་སྲོག་ཡན་ལག་སྙིང་ག་འཁལ།། དཀར་དམར་རླུང་བསྡམ་ཚངས་བུག
378b2 གཏོད།། མཁའ་ལ་འབྲུ་ཚུགས་བཙན་ཐབས་གནད།། རྡོ་རྗེ་པདྨ་རྩ་ཁ་ནས།། དཀར་དམར་རྩ་རབ་དྷཱ་ཏི་རྩི།། བདུད་པ་ལྔ་ནི་སྒོ་ཐེབས་ལྔ།། ཕྱེད་པར་ཕྱི་ལ་འདྲིས་པར་གྱིས།། གྱེན་དང་ཟུར་དང་ཟད་ཀ་གསུམ།།
378b3 སྟངས་ཞི་ཁྲོ་སེམས་དཔའི་གནད།། མ་ཚུད་གཞུང་དང་ཟག་པ་སྟེ།། ཡང་གཡང་ང་བཅས་པས་ཚུད།། འགྲུས་དྲན་འཛིན་ཆགས་ཡེངས་པ་མེད།། གང་སྣང་གར་འགྲུས་ལམ་སློངས་ཤིང་།། གཉིད་དང་ར་རོ་གཡེང་བ
378b4 ཀུན།། ཁྱད་པར་མེད་ན་བསྒོམ་པ་གཅིག། རང་རང་ཉམས་མྱོང་ང་རྒྱལ་གནོད།། དགེ་སྡིག་འཁྲུལ་ཆོས་ལམ་དུ་སློངས།། བར་མེད་འཕྲོ་མེད་འབྲལ་བ་མེད།། ལོག་རྡུག་འདོད་པའི་རོ་མི་ལྡན།། དགྲ་སྡང་ཆགས
378b5 གཉེན་ངོས་མི་འཛིན།། སྐྱེས་བུ་ནད་ཀྱིས་གཟིར་བ་འདྲ།། བུ་ཤི་མ་ཡི་སེམས་ལས་བཞིན།། ཡེངས་པ་མེད་ན་སྤྱོད་པ་གཅིག། སྙིང་པོ་རྒྱུན་ཆགས་སྤྱོད་པ་གཅིག། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས
378b6 ཅད་གཅིག་པའི་རྒྱུད་ལས།། ལྷ་སྒོམ་སྤྱོད་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་དྲག་མོ་ཁྱོད།། སྙིང་པོ་ཆོས་མིན་གྲུབ་མཐའ་གཅིག། སྐུ་གསུམ་ཆོས་སྐུའི་ངང་དུ
iiif viewer powered by OpenSeadragon
