| e-texts navigator |
| Wylie |
378a1 འདི།། ཁོང་ནས་གབ་སྦས་དོན་འབྱིན་པ།། ཅག་གཅིག་སྙིང་པོ་བསྟན་པ་ཡིན།། རྡོ་རྗེ་འཆང་བའི་གསུང་གི་མཛོད།། ཚིག་གི་དོན་གྱིས་དོན་ལ་སྦྱར།། ཞལ་ནས་གསུང་བའི་རྒྱུད་ལུང་ཀུན།། མ་ནོར
378a2 ཁྲིགས་སུ་དོན་ལ་བཏབ།། གསལ་འདེབས་ཡི་གེའི་རིས་སུ་བཀོད།། ཚིག་དོན་གསལ་བར་བྱེད་པ་ཡིན།། ཚེགས་ཆུང་དོན་ཆེ་སྙིང་པོ་འདི།། གང་དང་ཅི་ཡང་ལས་རུང་བས།། ངེས་ཚིག་གཏན་ཚིགས་སྙིང་པོ་ཧཱུཾ།། བླ
378a3 མ་སློབ་བུ་མ་བུ་འདྲ།། སྤྱིར་ན་རྒྱུད་ལུང་མན་ངག་གསུམ།། རྗེ་དང་བློན་པོ་འབངས་གསུམ་འདྲ།། བླ་མའི་བརྒྱུད་པ་བར་མ་ཆད།། དེ་ཡི་ལུང་ཐོབ་བཀའ་བཞིན་བསྒྲུབ།། བུམ་པའི་ཆུ་བཞིན་མན་ངག་ཐོབ།། དེ་ལ་དེ
378a4 བསྟན་དེ་ཡང་ཐོབ།། སྙིང་པོ་དོན་གྱི་མན་ངག་གཅིག། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས།། མན་ངག་གི་ལེའུ་སྟེ་བཅོ་ལྔ་པའོ།། །། དེ་ནས་ཡང་དག་བཤད་བྱ
378a5 བ།། ཉོན་ཅིག་རྡོ་རྗེ་དྲག་མོ་ཁྱོད།། སྙིང་པོ་དོན་གྱི་ལྟ་བ་ནི།། ཅི་ཡང་ཡིན་ནོ་གང་ཡང་རུང་།། ཕྱོགས་དང་བྲལ་བས་ནམ་མཁའ་འདྲ།། སྙིང་པོ་རང་བྱུང་ཀློང་ཡངས་པས།། དགག་སྒྲུབ་མེད་པའི་ཆོས་མིན
378a6 ཡིན།། ཡུལ་མེད་མིང་མེད་གཅིག་ཀྱང་མེད།། རང་བྱུང་རང་སྣང་རྩོལ་བསྒྲུབ་མེད།། གསལ་མེད་སྟོང་མེད་ཆོས་ལས་འདས།། སྙིང་པོ་ཧཱུཾ་གི་ལྟ་བ་ཡིན།། ཐིག་ལེ་ཉག་གཅིག་སྙིང་པོ་དང་།། གང་སྣང་གྲོགས་སུ
iiif viewer powered by OpenSeadragon
