| e-texts navigator |
| Wylie |
377b1 དགོངས་པ་ཐུགས་རྗེ་ནས།། འགྲོ་དྲུག་སྡུག་བསྔལ་ཉོན་མོངས་ཀུན།། ལས་དང་རྣམ་སྨིན་ཅིར་སྣང་ཡང་།། སྙིང་པོ་དོན་གཅིག་འགྱུར་པ་མེད།། བརྒྱལ་དང་ར་རོ་བག་མེད་ཀྱང་།། སྙིང་པོའི་རང་བཞིན་འགྱུར་བ
377b2 མེད།། དཔེར་ན་གསེར་དང་གཟུགས་བརྙན་འདྲ།། སྙིང་པོ་ལུང་གཅིག་གང་ཡང་ཡིན།། ཞེས་གསུངས་སོ།། སྙིང་པོ་རིན་པོ་ཆེ་ཐམས་ཅད་གཅིག་པའི་རྒྱུད་ལས།། ལུང་གི་ལེའུ་སྟེ་བཅུ་བཞི་པའོ།། །། དེ་ནས
377b3 ཡང་དག་བཤད་བྱ་བ།། ཉོན་ཅིག་རྡོ་རྗེ་དྲག་མོ་ཁྱོད།། སྙིང་པོ་དོན་གྱི་མན་ངག་འདི།། ལོ་རྒྱུས་རྩ་བ་ཚིག་དོན་དང་།། ཡོ་ག་དགོས་ཆེད་ལྔ་པོ་གཅིག། རྡོ་རྗེ་འཆང་བ་དང་པོ་བར།། རིག་འཛིན་བླ་མས་མཛུབ་ཚུག
377b4 བསྟན།། ལོ་རྒྱུས་ཡིད་ཆེས་སྙིང་པོ་གཅིག། རྩ་བ་སྙིང་པོ་རང་བྱུང་བ།། ཆོས་ཅན་ཆོས་ཉིད་འཁོར་འདས་དང་།། ཕྱི་པ་ནང་པ་ཐེག་པའི་སྒོ།། སྙིང་པོ་གཞི་ལས་གྱེས་མདོ་གཅིག། ཚིག་དོན་སྙིང་པོའི་བྱིན་རླབས
377b5 དེ།། རྡོ་རྗེ་འཆང་གསུམ་བཤད་ལུགས་ལ།། མཚོན་བྱེད་ཚིག་གི་སྙིང་པོ་བསྟན།། རང་བྱུང་སྙིང་པོ་གདམས་ངག་གཅིག། ཡི་གེ་དོན་གྱི་སྙིང་པོ་བསྟན།། རང་རང་ཐེག་པ་ལ་ཤན་དབྱེ།། སྙིང་པོ་འདི་རུ་ཆོས་ཉིད
377b6 གཅིག། རྩ་བ་སྙིང་པོར་རང་བྱུང་གཅིག། དགོས་ཆེད་སྙིང་པོ་སྤྱི་གཞི་འདི།། འགྲོ་དྲུག་ཐེག་པ་ཁ་འཐོར་ནས།། འབྱུང་བའི་དོན་དུ་རང་བྱུང་ཧཱུཾ།། འཁྲུལ་པ་བཟློག་པ་སྙིང་པོ་གཅིག། དོན་གྱི་ཆོས་ཉིད་སྤྱི་གཞི
iiif viewer powered by OpenSeadragon
