| e-texts navigator |
| Wylie |
377a1 སུ་མེད་པར་སྟོན།། འཁོར་འདས་གཉིས་པོ་རྒྱུན་མ་ཆད།། རྒྱུད་ཆེན་སྙིང་པོ་ཀུན་གཞིར་གཅིག། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས།། རྒྱུད་ཀྱི་ལེའུ་སྟེ་བཅུ
377a2 གསུམ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་དྲག་མོ་ཁྱོད།། སྤྱི་ལུང་སྙིང་པོ་རང་བྱུང་བསྟན།། བླ་མེད་སྙིང་པོ་སྤྱི་གཞི་འདི།། ལུང་ཆེན་ཀུན་གྱི་ལུང་དུ་གཅིག། ལུང་ནི་ཟིན་སླ་བཀྱེར
377a3 བར་བདེ།། རང་བྱུང་སྙིང་པོ་སྤྱི་ཆོས་ཧཱུཾ།། གང་གི་སྒོ་ནས་འཇུག་སྤྱོད་ཀྱང་།། སྤྱི་ཆོས་འདི་ལ་བརྟེན་ཏེ་སྤྱོད།། ལུང་ནི་ཡིད་ཆེས་ཚིག་ཡིན་ཏེ།། ཚིག་སྒོ་ཐམས་ཅད་ཧཱུཾ་ལས་བྱུང་།། ངེས་པར་སྨྲ་བ་རྫུན་གྱི་ཚིག། གཅིག
377a4 ལས་ཐམས་ཅད་སྨྲ་བ་ཧཱུཾ།། སྨྲ་བར་མི་བྱེད་རྒྱུ་མེད་ཕྱིར།། གང་སྣང་འཕྲུལ་པ་ཡིན་པས་ཆོག། མིང་མེད་ཡུལ་དང་བྲལ་བ་ན།། ཉེས་ཟད་ལུང་དུ་དེ་ཟད་དོ།། དོན་གྱི་ལུང་དང་ཚིག་གི་ལུང་།། དོན་གྱི་ལུང་ནི་སྙིང་པོ
377a5 བཞི།། མི་འགྱུར་ཆོས་མིན་གཉིས་མེད་ཧཱུཾ།། ཚིག་གི་ལུང་ལ་བསམ་མི་ཁྱབ།། དྲང་དོན་ངེས་དོན་མདོ་རྒྱུད་སོགས།། ཐེག་པ་ཕྱི་ནང་སྟོན་པའི་བཀའ།། ཞལ་ནས་གསུངས་པ་དམ་པའི་ཆོས།། རང་བྱུང་སྙིང་པོ་བཀྱེ་བ
377a6 བདེ།། རང་བྱུང་དཔའ་བོ་ཀུན་ནས་འབྲེལ།། ཟིན་པར་སླ་ལ་བཀྱེར་བར་བདེ།། རྒྱལ་པོའི་བཀའ་དང་སྣོད་སྤྱད་ལུང་།། མཚོན་པའི་དཔེ་རུ་ཤེས་པར་གྱིས།། དོན་མཚོན་ཡིད་ཆེས་ལུང་ཞེས་བྱ།། བདེ་གཤེགས
iiif viewer powered by OpenSeadragon
