| e-texts navigator |
| Wylie |
376a1 ལས་ནི།། གཞི་ནས་བག་ཆགས་སེལ་བ་དང་།། མ་རིག་རྟོག་པ་སེལ་བ་དང་།། འཕྲལ་བྱུང་ཉོན་མོངས་སེལ་བར་གཅིག། རང་བྱུང་ཆེན་པོ་སྔགས་གཅིག་ཡིན།། ཞེས་གསུངས་སོ།། སྙིང་པོ་རྡོ་རྗེ་རིན
376a2 པོ་ཆེ་ཐམས་ཅད་གཅིག་པའི་རྒྱུད་ལས།། སྙིང་པོ་དོན་གྱི་སྔགས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་དྲག་མོ་ཁྱོད།། སྙིང་པོ་རིན་ཆེན་ཕྱག་རྒྱ་ནི།། སྙིང་པོ
376a3 དུས་གསུམ་འགྱུར་བ་མེད།། ཕྱག་རྒྱ་ཆེན་པོའི་ངོ་བོ་གཅིག། སྙིང་པོ་འཆོས་པས་འདས་པ་མེད།། ཕྱག་རྒྱ་ཆེན་པོའི་ངེས་ཚིག་གཅིག། ཕྱག་རྒྱ་བཞི་དང་རྩ་ལ་ཧཱུཾ།། ཆོས་དང་བྲལ་བའི་སྙིང་པོ་སྐུ།། ཆོས་སྐུ་ཕྱག་རྒྱ་ཆེན
376a4 པོ་གཅིག། རང་བྱུང་རང་གདངས་ཡེ་ཤེས་ལྔ།། དམ་ཚིག་ལོངས་སྐུའི་ཕྱག་རྒྱ་གཅིག། རང་བྱུང་རང་སྦྲུལ་འགགས་པ་མེད།། སྦྲུལ་སྐུ་ཆོས་ཀྱི་ཕྱག་རྒྱ་གཅིག། སྙིང་པོ་རང་བྱུང་རང་འགྲུ་སྣང་།། སྣ་ཚོགས་ལས་ཀུན་དེ
376a5 ཡིས་བྱེད།། མ་རིག་ཡེ་ཤེས་འཁོར་འདས་ལས།། སྙིང་པོ་ལས་ཀྱི་ཕྱག་རྒྱ་གཅིག། སྙིང་པོ་ཕྱག་རྒྱ་ཀུན་གྱི་གཞི།། ནམ་མཁའི་བདག་པོ་སྣ་ཚོགས་སྟོན།། སྙིང་པོའི་དཔེ་ནི་ནམ་མཁའ་བཞིན། ཕྱག་རྒྱའི་དཔེ་ནི་རྒྱལ
376a6 པོའི་བཀའ།། རྒྱས་བཏབ་དེ་ལས་འདའ་མི་སྲིད།། གསང་སྔགས་སྙིང་པོ་ཡེ་ཤེས་ཡིན།། དེས་ན་འགག་མེད་ཤེས་པ་ཤེས་རབ་ཡིན།། སྙིང་པོ་ཆོས་མིན་འགྱུར་མེད་ཀྱང་།། ཐུགས་རྗེ་ཕྱག་རྒྱ་འགག་མེད
iiif viewer powered by OpenSeadragon
