| e-texts navigator |
| Wylie |
375b1 སྦྱོར།། གཅིག་མེད་ཀློང་དུ་དུ་མ་སྦྱོར།། མིང་མེད་ཀློང་དུ་ཚིག་ཚོགས་སྦྱོར།། སྐུ་མེད་ཀློང་དུ་སྣང་གཟུགས་སྦྱོར།། རྒྱུ་མེད་རྐྱེན་མེད་སྙིང་པོ་རྣལ།། འཁོར་འདས་གཉིས་མེད་ཡེ་ཤེས་འབྱོར།། སྙིང་པོ་རང་བྱུང་རྣལ
375b2 འབྱོར་གཅིག། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས།། རྣལ་འབྱོར་གྱི་ལེའུ་སྟེ་བཅུ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་རྣལ་འབྱོར་མ།། སྙིང་པོ
375b3 ཆོས་མིན་སྔགས་གཅིག་ནི།། མངོན་དུ་གྱུར་པས་སྔགས་དོན་ནོ།། སྙིང་པོ་རང་ཆས་རང་འབྱུང་གསང་།། སྔགས་པའི་དོན་དེ་གསང་བས་ན།། གསང་སྔགས་ཞེས་སུ་ང་འཆད་དོ།། སྙིང་པོ་ཀུན་ཁྱབ་རྒྱ་ཆད་ཀྱང་རྒྱུན
375b4 ཆཚད་མེད།། འདས་དང་མ་བྱོན་ད་ལྟར་དང་།། འགྲོ་དྲུག་འཁྲུལ་པ་རིགས་གཅིག་སྟེ།། རིག་སྔགས་ཞེས་སུ་ང་འཆད་དོ།། སྙིང་པོ་འཁོར་འདས་མ་ཆད་པ།། དཔེར་ན་གསེར་དང་གཟུགས་བརྙན་འདྲ།། བདེར
375b5 གཤེགས་སྙིང་པོས་འགྲོ་ཀུན་ཁྱབ།། གཟུངས་སྔགས་ཞེས་སུ་ང་ཡི་བཤད།། སྙིང་པོ་དོན་གྱི་སྔགས་གཅིག་ཡིན།། གསང་སྔགས་དག་གི་ངོ་བོ་ནི།། ཤེས་རབ་སྙིང་རྗེ་གཉིས་སུ་མེད།། རིག་སྔགས་དག་གི་ངོ་བོ
375b6 ནི།། ཤེས་རབ་ཡེ་ཤེས་གཉིས་སུ་མེད།། གཟུངས་སྔགས་དག་གི་ངོ་བོ་ནི།། ཤེས་རབ་ཏིང་འཛིན་གཉིས་སུ་མེད།། སྙིང་པོ་དོན་དུ་སྔགས་གསུམ་གཅིག། ཤེས་སྐྱོབ་ཕྱིར་ན་སྔགས་ཞེས་བྱ།། སྙིང་པོ་རང་བྱུང་སྔགས
iiif viewer powered by OpenSeadragon
