| e-texts navigator |
| Wylie |
375a1 རང་བྱུང་མཆོད་པ་གཅིག། སྙིང་པོ་རང་བྱུང་འགྱུ་བ་གྲོལ།། སྙིང་པོ་མཁའ་ལ་འགྲུ་བ་གྲོལ།། གཉིས་སུ་མེད་པས་མཆོད་པ་གཅིག། ཆོས་མིན་སྙིང་པོའི་ཀློང་དུ་གཅིག། ཆོས་ཅན་ཆོས་ཉིད་སྙིང་པོར
375a2 གཅིག། འཁོར་འདས་ཀུན་རྫོབ་དོན་དམ་གཅིག། འདི་ནི་མཆོད་པ་ཆེན་པོ་གཅིག། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས།། མཆོད་པའི་ལེའུ་སྟེ་དགུ་པའོ།། །། དེ་ནས་ཡང
375a3 དག་བཤད་བྱ་བ།། ཉོན་ཅིག་རྡོ་རྗེ་རྣལ་འབྱོར་མ།། རྣལ་འབྱོར་སྙིང་པོའི་དཔའ་བོ་གཅིག། བླ་མེད་སྙིང་པོ་ཆོས་མིན་ལ།། བློ་དངོས་རྣལ་མ་སྙིང་པོར་འབྱོར།། བླ་མེད་རྣལ་འབྱོར་ཆོས་སྐུ་གཅིག། སྙིང་པོ་ཡེ་ཤེས
375a4 རྣལ་མ་ལ།། རང་བྱུང་ལོངས་སྐུ་རྣལ་འབྱོར་གཅིག། འགྱུ་བ་ཡེ་མེད་རྣལ་མར་འབྱོར།། འགག་མེད་སྦྲུལ་སྐུ་རྣལ་འབྱོར་གཅིག། སྣང་བ་ཚིག་ཚོགས་རྣལ་མར་འབྱོར།། སྲོག་དང་སྙིང་པོའི་རྣལ་འབྱོར་གཅིག། རྒྱུ
375a5 ལས་གཉིས་མེད་འབྲས་བུ་གཅིག། སྙིང་པོའི་དོན་ལ་འབྱོར་ན་འབྱུང་།། ཆོས་མིན་ཆོས་ཀུན་རྣལ་མར་འབྱོར།། སྙིང་པོ་ཧཱུཾ་གི་རྣལ་འབྱོར་ཡིན།། གཅིག་ནི་ཀུན་གྱི་རང་བཞིན་ཏེ།། དུ་མ་རང་བྱུང་གདམས་ངག
375a6 ཡིན།། དུ་མ་རོ་གཅིག་མ་རྟོགས་ན།། རྣལ་མའི་དོན་ལ་འབྱོར་མི་སྲིད།། མིང་གི་རྣལ་འབྱོར་གྲངས་མེད་དོ།། དོན་གྱི་རྣལ་འབྱོར་ཤིན་ཏུ་དཀའ།། ཆོས་མིན་ཀློང་དུ་ཆོས་ཅན་སྦྱོར།། དོན་དམ་ཀློང་དུ་ཀུན་རྫོབ
iiif viewer powered by OpenSeadragon
