| e-texts navigator |
| Wylie |
374b1 གསལ་ལོངས་སྤྱོད་སྐུ།། ཡོན་ཏན་ཡེ་ཤེས་སྐུ་ལྔ་རྒྱས།། རྒྱས་པའི་ཕྲིན་ལས་སྙིང་པོ་གཅིག། རིག་པ་རང་རྩལ་སྦྲུལ་སྐུ་ཧཱུཾ།། མཛད་པའི་ལས་ཀུན་སྙིང་པོའི་དབང་།། དབང་གི་ཕྲིན་ལས་སྙིང་པོ་གཅིག། སྙིང་པོ
374b2 འགག་མེད་ཐོགས་མེད་ཧཱུཾ།། འབྱུང་བ་རླུང་ཆེན་ཐོགས་ཆགས་མེད།། ཡིད་སྣང་ཚིག་ཀུན་སྦྱོར་སྒྲོལ་བྱེད།། དྲག་པོའི་ཕྲིན་ལས་དཔའ་བོ་གཅིག། འགྲུས་དྲན་འཛིན་ཆགས་ཞི་རྒྱས་དབང་།། དྲག་པོ་ཟང་ཐལ་དཔའ་བོ
374b3 གཅིག། བྱ་བའི་ལས་གྲུབ་ཡེ་ཤེས་གཅིག། ཞེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས།། ཕྲིན་ལས་ཀྱི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ
374b4 རྣལ་འབྱོར་མ།། མཆོད་པ་སྙིང་པོ་གཅིག་པོ་ནི།། འདྲེས་ཤིང་དབྱེར་མེད་གཉིས་སུ་མེད།། སྙིང་པོ་འགྲོ་ཀུན་སངས་རྒྱས་ལ།། ཏིལ་ལ་མར་བཞིན་དབྱེ་རུ་མེད། གཞི་གཅིག་སྙིང་པོའི་མཆོད་པ་གཅིག། གཞི་དང་རང
374b5 གདངས་གཉིས་སུ་མེད།། འཁྲུལ་པ་ལས་ཀྱི་མཆོད་པ་གཅིག། སྙིང་པོ་འགྱུས་དྲན་འཛིན་ཆགས་དང་།། འཁྲུལ་པ་རང་ལྡོག་མཆོད་པ་གཅིག། རྩ་རླུང་ཐིག་ལེ་རང་བྱུང་ཧཱུཾ།། གསལ་སྟོང་འགག་མེད་མཆོད་པ
374b6 གཅིག། སྐུ་གསུང་ཐུགས་དང་ཡོན་ཏན་ལས།། སྙིང་པོ་ཡེ་ཤེས་མཆོད་པ་གཅིག། བླ་མ་ཡི་དམ་མཁའ་འགྲོ་ཧཱུཾ།། སྙིང་པོ་ཆོས་མིན་བླ་ན་མེད།། བླ་མ་གུ་རུ་མཆོད་པ་གཅིག། སྙིང་པོ་ཡི་དམ་སྐུ་ལྔ་གསལ།། ཡི་དམ
iiif viewer powered by OpenSeadragon
