| e-texts navigator |
| Wylie |
374a1 ཟག་རྟོགས།། རྣམ་ཤེས་ཆོས་ཀྱི་བདག་ལས་གྲོལ།། སྒྲ་རུ་བསྟན་པས་ཚིག་ཚོགས་གྲོལ།། ཐོས་པའི་གྲུབ་མཐའ་མིང་མེད་རྟོགས།། སྒྲུབ་པ་ཆེན་པོ་ཞེས་བྱ་ཡིན།། རྩོལ་བའི་རེ་དོགས་ཧཱུཾ་གིས
374a2 ཆོད།། སྙིང་པོ་ཆོས་མིན་རང་བྱུང་འགྲུབ།། བསྒྲུབ་པའི་བསྒྲུབ་པ་ཆེན་པོ་གཅིག། ཅེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས། བསྙེན་པ་བསྒྲུབ་པའི་ལེའུ་སྟེ་བདུན
374a3 པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་མཁའ་འགྲོ་མ།། དཔའ་བོ་གཅིག་པའི་ཕྲིན་ལས་ནི།། དཔའ་བོ་གཅིག་པས་ལས་ཀུན་བྱེད།། བྱ་བ་ཐམས་ཅད་འགྲུབ་པའི་ཧཱུཾ།། སྙིང་པོ་ལས་བཞི
374a4 གཅིག་གིས་བྱེད།། ཞི་རྒྱས་དབང་དང་དྲག་པོ་རྣམས།། སྙིང་པོ་མ་འགགས་འགྱུ་བས་བྱེད།། འགྱུ་བ་རྩལ་གསུམ་རང་ཆས་གཅིག། འགྱུ་བ་ཡིད་རྩ་སྙིང་པོར་ཆོད།། ཉོན་མོངས་ཆགས་སྡང་ཞི་བར་བྱེད།། ཉོན་མོངས
374a5 དུག་ལྔ་རང་ཞི་བར།། རིག་པ་ཡེ་ཤེས་རྒྱས་པར་བྱེད།། རང་བྱུང་འགྱུ་བ་དྲན་པས་ཐུལ།། རང་བྱུང་རིག་པ་རང་རྩལ་དབང་།། རང་དབང་ཐོབ་པས་ཐོགས་ཆགས་མེད།། དྲག་པོ་མངོན་སྤྱོད་བྱ་བ་གྲུབ།། ཕྲིན་ལས
374a6 བཞི་པོ་སྙིང་པོར་གཅིག། ལས་ཀུན་སྙིང་པོ་ཧཱུཾ་གིས་བྱེད།། སངས་རྒྱས་ཀུན་གྱི་སྙིང་པོ་ཆེ།། ཆོས་སྐུ་དངོས་མེད་རྩོལ་བྲལ་ཧཱུཾ།། རྟོགས་པས་འཁོར་བ་ཐམས་ཅད་ཞི།། ཞི་བའི་ཕྲིན་ལས་སྙིང་པོ་གཅིག། སྙིང་པོ་འོད
iiif viewer powered by OpenSeadragon
