| e-texts navigator |
| Wylie |
373a1 གཅིག། ཕྱི་ལྟར་མཚོན་པའི་དཀྱིལ་འཁོར་ནི།། ཕྱི་ནང་དཀྱིལ་འཁོར་གང་བྲིས་ཀྱང་།། སེམས་དཔའི་དཀྱིལ་འཁོར་གསལ་འདེབས་ཡིན།། སེམས་དང་ཏིང་འཛིན་གང་བསྒོམས་ཀྱང་།། སྙིང་པོ་འོད
373a2 ཀྱི་གསལ་འདེབས་ཡིན།། སྙིང་པོ་ཆོས་ཉིད་རང་བྱུང་ཧཱུཾ།། དཀར་དང་དམར་དང་མཐིང་དང་ལྡང་།། སེར་དང་འོད་གསལ་ཀུན་གྱི་གཞི།། སྐུ་གསུམ་སྐུ་ལྔ་ཡེ་ཤེས་ཧཱུཾ།། དཀྱིལ་འཁོར་རྣམ་གསུམ་སྙིང་པོ་གཅིག། བུམ
373a3 པ་དཀྱིལ་འཁོར་རྩ་བ་སྟེ།། བརྡ་དང་བུམ་པ་མཚོན་པའི་ཆོས།། རྟགས་ཀྱི་བུམ་པ་སྙིང་པོ་རྟེན།། དོན་གྱི་བུམ་པ་སྙིང་པོ་ཧཱུཾ།། དཀྱིལ་འཁོར་བུམ་པའི་སྙིང་པོ་ཧཱུཾ།། ཆོས་མེད་བསྐྱེད་དང་རྫོགས་པ་མེད།། ཡེ་ནས
373a4 དཀྱིལ་འཁོར་རང་བཞིན་ཡིན།། སྙིང་པོ་དཀྱིལ་ལ་འགྱུར་འདོད་ཧཱུཾ།། ཆོས་ལས་མ་བྱུང་རང་བྱུང་ཧཱུཾ།། དཀྱིལ་འཁོར་ཆེན་པོ་ཡངས་པ་ཡིན།། ཞེས་གསུངས་སོ།། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད
373a5 ལས། དཀྱིལ་འཁོར་གྱི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་རྣལ་འབྱོར་མ།། བསྙེན་པའི་དཀྱིལ་འཁོར་སྦྲེལ་བ་ནི།། སྙིང་པོ་རིག་པ་ཆོས་མིན་ལ།། བརྡ་རྟགས་སྒྲ་དོན་བཤད
373a6 པ་ནི།། སྙིང་པོ་རང་བྱུང་ཉེ་བར་བསྙེན།། དད་ལྡན་ལུས་སྲོག་གཏོང་ཕོད་ཅན།། སྙིང་པོ་ཉིད་ལ་བསྙེན་པ་ཡིན།། ལྷ་སྒོམ་སྤྱོད་པ་དགེ་བ་བཅུ།། སྙིང་པོའི་དོན་ལ་བསྙེན་པ་ཡིན།། རྩ་རླུང་ཐིག་ལེ་སྟོང་པ་བདེ།། སྙིང
iiif viewer powered by OpenSeadragon
