| e-texts navigator |
| Wylie |
372b1 དབྱིངས་ལས་འདས་མི་སྲིད།། སྙིང་པོ་ཧཱུཾ་གི་རང་བཞིན་གཅིག། གདེང་ལ་ཡང་ག་ཡང་ས་མེད།། དགོངས་ལ་ཁུ་འཕྲིགས་དགོས་པ་མེད།། སྤྱོད་པ་ཆགས་སྡང་གཟིགས་སྣང་མེད།། རེ་དོགས་བྲལ་བའི་སྙིང་པོ
372b2 ལ།། དམ་ཚིག་འདུ་བསྲུང་ཡེ་ནས་མེད།། ཉམས་པ་མེད་པས་དམ་ཚིག་གཅིག། སྙིང་པོ་ཆོས་སྐུ་ཡུལ་མེད་ལ།། འགྱུར་བས་གཟིགས་སྣང་འདས་པ་མེད།། སྙིང་པོ་འགག་མེད་རང་སྒྲ་ལ།། འགྱུ་བའི་མིང་བཏགས
372b3 སྨྲས་པ་མེད།། སྙིང་པོ་འགྱུར་མེད་ཆོས་ཉིད་ལ།། གཉེན་པོས་བཅོས་ཤིང་བསྒྱུར་དུ་མེད།། སྐུ་གསུང་ཐུགས་དམ་བཅས་པ་ལ།། ཉོན་མོངས་དུག་གསུམ་འཚིག་པར་ངེས།། ཡེ་ཤེས་མེ་ལྔ་རང་འབར་ལྔ།། ཉོན་མོངས
372b4 དུག་ལྔ་འཚིག་པར་ངེས།། དམ་ཚིག་ཉི་ཤུ་རྩ་བརྒྱད་ལ།། དུག་གསུམ་དམ་ན་སྐུ་གསུམ་འཚིག། དུག་ལྔ་དམ་ན་ཡེ་ཤེས་འཚིག། དེ་ལྟར་གཅིག་གིས་གཅིག་འཚིག་ཀྱང་།། སྙིང་པོ་འགྱུར་དང་འཚིག་པ་མེད།། ཅེས
372b5 གསུངས་སོ།། རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལས། དམ་ཚིག་གི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་རྣལ་འབྱོར་མ།། སྙིང་པོ་རང་བྱུང་དཀྱིལ་འཁོར
372b6 ནི།། དཀྱིལ་འཁོར་བུམ་པ་གཅིག་ཡིན་ནོ།། སྙིང་པོ་བརྡ་ཡི་དཀྱིལ་འཁོར་དང་།། སེམས་དཔའི་ཏིང་འཛིན་དཀྱིལ་འཁོར་དང་།། རང་བཞིན་སྙིང་པོའི་དཀྱིལ་འཁོར་གསུམ།། རང་བྱུང་ཧཱུཾ་གི་དཀྱིལ་འཁོར
iiif viewer powered by OpenSeadragon
