| e-texts navigator |
| Wylie |
371b1 པ།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་དཀྱིལ་འཁོར་རང་བྱུང་དང་།། མཁའ་འགྲོ་འདུས་པའི་འཁོར་ཚོགས་ཁྱེད།། ཆོས་ཅན་ཆོས་ཉིད་རོ་གཅིག་ཕྱིར།། དོན་གྱི་སྙིང་པོ་ཆོས་ཉིད་གཅིག། གཅིག་པོ་ཀུན་གྱི
371b2 རང་བཞིན་ཡིན།། ནོར་བུ་རིན་ཆེན་ཡོན་ཏན་འདྲ།། དུ་མ་གང་སྣང་གཅིག་ཡིན་ནོ།། རྣམ་གྲངས་བརྒྱ་སྟོང་ཕྲག་བརྒྱས་སངས་རྒྱས་ཀྱང་ཀྱང་།། ཆོས་ཉིད་སྙིང་པོའི་དབང་པོ་ནི།། གཅིག་པོ་རང་སྣང་རང་བྱུང
371b3 བས།། གཅིག་པོ་ཉིད་ཀྱང་གང་ན་འདུག། ཡུལ་མེད་པས་ནི་མིང་བྲལ་ཡིན།། འབྱུང་བ་མེ་ཆུས་རླུང་ཡང་།། ནམ་མཁའི་ངང་དུ་ཡེ་ནས་གཅིག། སངས་རྒྱས་སེམས་ཅན་ཆོས་ཉིད་གཅིག། བདེ་གཤེགས་སྙིང་པོས
371b4 འགྲོ་ཀུན་ཁྱབ།། སངས་རྒྱས་སེམས་ཅན་གཉིས་སུ་མེད།། གཉིས་མེད་གཉིས་སུ་མེད་པར་སྟོན།། ཞེས་གསུངས་སོ།། སྙིང་པོ་རིན་པོ་ཆེ་ཐམས་ཅད་གཅིག་པའི་རྒྱུད་ལས། ཆོས་ཅན་དང་ཆོས་ཉིད་གཅིག་པར་བསྟན
371b5 པའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ།། ཡེ་ནས་སྙིང་པོ་རང་བྱུང་བས།། རང་ཆས་ཡོད་པས་གཞི་མ་གཅིག། རྟོགས་པས་རྡོ་རྗེ་འཆང་བའི་དབང་།། སྐུ་གསུམ་རིམ་པར་ཁྱད་པར
371b6 མེད།། དབང་གི་ཆུ་བོ་ལྷུན་གྲུབ་གཅིག། འགྲོ་དྲུག་ཁམས་གསུམ་ཐམས་ཅད་ལ།། ཏིལ་ལ་མར་གྱིས་ཁྱབ་པ་བཞིན།། བདེ་གཤེགས་སྙིང་པོ་དབྲི་བཀོལ་མེད།། རང་བྱུང་རང་ལ་བསྟན་ཐོབ་པས།། ཡེ་ནས་ཡེ་ཤེས
iiif viewer powered by OpenSeadragon
