| e-texts navigator |
| Wylie |
371a1 སྟེ་ཐལ་མོ་སྦྱར།། རྡོ་རྗེ་འཆང་ལ་འདི་སྐད་གསོལ།། ཀྱེ་ཀྱེ་སྟོན་པ་རྡོ་རྗེ་འཆང་།། སྙིང་པོ་ཐེག་པ་ཉག་གཅིག་ཀྱང་།། རིས་ཀྱང་རིགས་དྲུག་གཟུང་འཛིན་དུ་མར་འཁྲུལ།། ཐུགས་རྗེ་ཆེན་པོས་གཟིགས
371a2 སུ་གསོལ།། འོག་མིན་རྡོ་རྗེ་འཁོར་འདུས་ལ།། ཐམས་ཅད་གཅིག་པའི་རྡོ་རྗེ་རྒྱུད།། གཅིག་ལས་དུ་མ་མེད་པར་གསུངས།། ཞེས་གསོལ་པ་དང་།། རྡོ་རྗེ་འཆང་གིས་བཀའ་སྩལ་པ།། འོག་མིན་དབྱིངས་སུ་འདུས་པ
371a3 ཡི།། རྡོ་རྗེ་རིགས་ཀྱི་མཁའ་འགྲོ་ཁྱོད།། རྗེས་འཇུག་དོན་དུ་ཞུས་པ་ལེགས།། སྙིང་པོ་ཉག་གཅིག་རིན་པོ་ཆེ།། ཐམས་ཅད་གཅིག་པ་ང་ཡིས་བསྟན།། ཆོས་ཅན་ཐམས་ཅད་ཆོས་ཉིད་གཅིག། དབང་དང་དམ་ཚིག
371a4 དཀྱིལ་འཁོར་གཅིག། ཕྲིན་ལས་མཆོད་པ་རྣལ་འབྱོར་གཅིག། སྔགས་དང་ཕྱག་རྒྱ་བསྙེན་བསྒྲུབ་གཅིག། རྒྱུད་དང་ལུང་དང་མན་ངག་གཅིག། ལྟ་བ་སྒོམ་པ་སྤྱོད་པ་གཅིག། འབྲས་བུ་སྐུ་གསུང་ཐུགས་ཀྱང
371a5 གཅིག། དགེ་བཅུ་རྣམ་གྲངས་དུ་མ་གཅིག། ཅེས་གསུངས་སོ།། སྙིང་པོ་རིན་པོ་ཆེ་ཐམས་ཅད་གཅིག་པའི་རྒྱུད་ལས། ཕུན་སུམ་ཚོགས་པ་ཞུས་པ་ལན་སྡོམ་གྱི་ལེའུ་སྟེ་དང་པོའོ།། །། དེ་ནས་རྡོ་རྗེ་དྲག་མོ
371a6 ཡིས།། རྡོ་རྗེ་འཆང་ལ་འདི་སྐད་གསོལ།། ཀྱེ་ཀྱེ་སྟོན་པ་རྡོ་རྗེ་འཆང་།། དེ་ལྟར་སྙིང་པོའི་ཆོས་གཅིག་ཀྱང་།། བདག་ཅག་འོག་མིན་དཀྱིལ་འཁོར་དང་།། མཁའ་འགྲོའི་ཚོགས་ལ་གསལ་བར་ཞུ།། ཞེས་གསོལ
iiif viewer powered by OpenSeadragon
