| e-texts navigator |
| Wylie |
370b1 གཏོད།། ཀུན་གྱི་གཞི་མ་བྱེད་དེ་ནམ་མཁའ་ཁབ་མིག་འདྲ།། ས་ནི་གསེར་གྱི་གཞི་མ་བྱེད་དེ་རྡོ་དང་གསེག་མས་བསྒྲིབ།། མིག་གིས་ཐམས་ཅད་བལྟ་སྟེ་རང་མ་མཐོང་པས་ལོང་།། སྙིང་པོ་ཉིད་དང་རྟག་ཏུ་འགྲོགས
370b2 ཏེ་གྲུབ་མཐས་བསྒྲིབས།། ཨེ་མ་རང་གིས་རང་བསླུས་རང་ཀ་སྙིང་རེ་རྗེ།། ཤིན་ཏུ་དཀོན་པའི་རིན་ཆེན་གསེར་ཡང་བྱིན་པའི་རྡོ།། ནོར་བུ་རིན་ཆེན་སྙིང་པོ་མ་བུ་གདམས་པ་རྣམས།། སྦྱིན་པའི་སྣོད་མེད་སྒྲོ་སྐུར་སྒྲིབ
370b3 པའི་རྟེན་ལ་གསང་།། ཞེས་པདྨ་འབྱུང་གནས་ཀྱིས། ནམ་མཁའི་སྙིང་པོ་ལ་གདམས་ནས། ལྷོ་ནུབ་གླིང་ཕྲན་དུ་གཤེགས་སོ།། བར་འདིར་སྐུ་གསུང་ཐུགས་རྡོ་རྗེ་རྩ་བ་ཐམས་ཅད་རྫོགས་པ་ལེའུ་མོ་ལྔ་པ་མཐུང་།།
370b4 རྒྱ་གར་སྐད་དུ།། ཧྲྀ་ད་ཡ་བཛྲ་རཏྣ་སརྦ་ཨེ་ཀ་ཀ་ཏནྟྲ་ནཱ་མ། བོད་སྐད་དུ། སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ཅེས་བྱ་བ། དཔལ་རྡོ་རྗེ་འཆང་ཆེན་པོ་ཆོས་སྐུ་ཡེ་ཤེས་ཉག་གཅིག་ལ་ཕྱག
370b5 འཚལ་ལོ།། ཆོས་སྐུ་རྡོ་རྗེ་འཆང་བ་དེ།། སྙིང་པོ་རང་བྱུང་ཉག་གཅིག་གནས།། སྔ་ཕྱི་མེད་པ་སྙིང་པོའི་དུས།། རང་བྱུང་རང་ཤར་རང་སྣང་འཁོར།། གཅིག་པོ་ཀུན་སྣང་གཉིས་མེད་ཆོས།། ཡེ་མེད་ཉག་གཅིག་རྡོ་རྗེའི
370b6 སྐུ།། ནམ་མཁའི་དབྱིངས་ཀྱི་ཉི་མ་བཞིན།། འོག་མིན་རིགས་བརྒྱད་ཉག་གཅིག་སྣང་།། དེ་ནས་རྡོ་རྗེ་སེམས་དཔའ་སོགས།། མཁའ་འགྲོ་རྡོ་རྗེ་དྲག་མོ་ཡིས།། རྡོ་རྗེ་འཆང་ལ་བསྐོར་ཕྱག་འཚལ།། སྤྱན་སྔར་འདུག
iiif viewer powered by OpenSeadragon
