| e-texts navigator |
| Wylie |
370a1 ཟུང་།། ཀུན་གྱི་ལག་ལེན་གསལ་བར་སྟོན།། སྙིང་པོ་གསལ་བྱེད་རྒྱུད་དུ་ཟུང་།། གཅེས་པའི་མན་ངག་མཛུབ་ཁྲིད་སྟོན།། གཅེས་པ་དམར་ཁྲིད་རྒྱུད་དུ་ཟུང་།། རྩེ་མོ་རྩེ་མོ་འོག་མིན་གསུངས།། རྡོ་རྗེ
370a2 ཡང་ཏོག་རྒྱུད་དུ་ཟུང་།། འབྲས་བུ་རྡོ་རྗེ་སེམས་དཔའ་དང་།། རྡོ་རྗེ་མཁའ་འགྲོ་འཁོར་བཅས་ཀྱིས།། སྦྲུལ་སྐུ་རིམ་པར་བརྒྱུད་ཚུལ་ལ།། རྒྱལ་བློན་རིག་པ་ཅན་དང་སྤྲོད།། དེ་ནས་བྲག་དང་ཆུ་གཞུང་གི། གཅིག་ཚིག་ཆད
370a3 སོང་ངམ། དུས་ཀྱི་ཐ་མ་སྔགས་འཆལ་ཚེ།། བསྟན་པ་འཛིན་པར་ཐེ་ཚོམ་མེད།། ཞེས་གསུངས་སོ།། སྟོན་པ་ཉིད་མྱ་ངན་ལས་འདས་སོ།། དེ་ནས་རྡོ་རྗེ་སེམས་དཔའ་དང་། མཁའ་འགྲོ་མ་ཀུན་གྱིས་མངོན་པར་བསྡུས
370a4 ནས། སྤྲུལ་པའི་སྐུ་པདྨ་འབྱུང་གནས་ཉིད་ལ་གཏད་དེ། སྤྲུལ་པའི་ལྷ་མ་སྲིན་སྡེ་བརྒྱད་རྣམས། རྗེས་སུ་ཡི་རང་སྟེ་མངོན་པར་བསྟོད་དོ།། རྡོ་རྗེ་ཡང་ཏོག་སྙིང་པོའི་རྒྱུད་ལས། རྗེས་སུ་ཡི་རང་བའི་ལེའུ་སྟེ་བཅོ་ལྔ
370a5 པའོ།། །། རྫོགས་སོ།། །། གསེར་ལ་མཐོ་སེམས་མི་བདོག་སྟེ།། ཟོང་མེད་ལག་ཏུ་གསེར་མི་འཁོར།། ཆོས་ལ་མཐོ་སེམས་མི་བདོག་སྟེ།། སྣོད་མེད་ལག་ཏུ་ཆོས་མི་འཁོར།། དོན་གྱི་སྙིང་པོ་གསུང་རྒྱུད
370a6 འདི།། སྙིང་གི་བུར་གཏད་གཅིག་རྒྱུད་རེ།། ཁོག་གི་སྙིང་བཏོན་སྙིང་པོ་རྡོ་རྗེའི་རྒྱུད།། ཡང་རྩེ་ཡང་ཏོག་གདམས་པའི་མ་བུ་རྣམས།། སྙིང་གི་སྙིང་བཏོན་སྙིང་པོ་ཧཱུཾ་གི་བསྐོར།། སྐལ་ལྡན་སྐྱོ་ང་ལ་མེད་པའི་བུ་ལ
iiif viewer powered by OpenSeadragon
