| e-texts navigator |
| Wylie |
369b1 མཁའ་འགྲོ་དྲག་མོ་ཡིས།། རྡོ་རྗེ་འཆང་ལ་འདི་སྐད་གསོལ།། ཀྱེ་ཀྱེ་སྟོན་པ་རྡོ་རྗེ་འཆང་།། འབྲས་བུ་སངས་རྒྱས་གྲུབ་མཐའ་གང་།། རྒྱུད་ཀྱི་དཔེ་མཚོན་ཇི་ལྟར་ལགས།། ཐ་མ་སུ་ཡི་ལག་ཏུ་གཏད།། ཅེས་གསོལ
369b2 པས།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་སེམས་དཔའ་མཁའ་འགྲོ་མ།། འབྲས་བུ་གསེར་དང་དེ་ཉིད་སྐུ།། སྙིང་པོ་རང་གྲོལ་ཆོས་ཀྱི་སྐུ།། ཡུལ་སྣང་སངས་པའི་མིང་བྲལ་ཡིན།། སངས་རྒྱས་ས་ནས་འདི
369b3 ལྟར་མཐུན།། ཆུ་དང་ཆུ་ཉིད་འདྲེས་པའམ།། མ་འདྲེས་མཚོ་ཡི་གཟའ་སྐར་འདྲ།། ནམ་མཁའི་མཐའ་བཞིན་ཚད་ལས་འདས།། ཐུགས་རྗེ་འབྱུང་བ་ཉི་མ་འདྲ།། རང་རང་ཡུལ་མཐུན་ཐབས་ཀྱིས་འདྲེན།། སྙིང་པོ་རང
369b4 ཆས་ཀུན་ལ་ཡོད།། ཡེ་ཤེས་གདམས་པ་ཟུར་གྱིས་གཏོད།། ངོ་བོའི་རྒྱུད་དང་བཀའ་རྒྱུད་དང་།། དོན་གྱི་རྒྱུད་དང་གསུམ་དུ་ཡོད།། ངོ་བོ་ངེས་ཚིག་དབྱེ་བ་དཔེ།། འདི་ནི་གདམས་པ་ལག་ལེན་རྒྱུད།། དཔེར་ན་ནོར་བུ
369b5 རིན་ཆེན་འདྲ།། སྙིང་པོ་ཐམས་ཅད་འབྱུང་བ་ཡིན།། དཔེར་ན་ཟ་འོག་བེར་ཁྱིམ་འདྲ།། སྙིང་པོ་མ་འདྲེས་ཡོངས་སུ་གསལ།། མུ་ཏིག་རྩར་ལ་བརྒྱུས་པ་འདྲ།། གོ་རིམ་འབྲེལ་པ་རྒྱུད་ན་གསལ།། དཔེར་ན་ཉི་མ་མུན་པ
369b6 འདྲ།། ཐམས་ཅད་འགལ་བྱེད་མ་རིག་སེལ།། སྙིང་པོ་གསང་བ་མངོན་དུ་སྟོན།། སྦས་པ་མིག་འབྱེད་རྒྱུད་དུ་ཟུང་།། ཆོས་ཉིད་སྙིང་པོ་བླ་མེད་རྫོང་།། འགྱུ་དྲན་འཛིན་ཆགས་ཧཱུཾ་གི་འཕྲང་།། བླ་མེད་རྫོང་འཕྲང་རྒྱུད་དུ
iiif viewer powered by OpenSeadragon
