| e-texts navigator |
| Wylie |
369a1 ནས་སྟོན་པས་བཀའ་སྩལ་པ།། ཉོན་ཅིག་རྡོ་རྗེ་སེམས་དཔའ་དང་།། རྡོ་རྗེ་དྲག་མོ་ཁྲོ་གཉེར་མ།། གཞི་ཆ་ངོས་འཛིན་ཐབས་རེ་ཆེ།། འགྱུ་དྲན་འཛིན་ཆགས་པ་དེད་ཀྱིས།། སྐད་ཅིག་མ་འདི་ཐབས་མྱུར
369a2 བས།། དྲན་པ་ཏིང་ངེ་འཛིན་གྱི་གནད།། གཙུན་ཐབས་ལུས་ངག་ཡིད་གསུམ་གཅེས།། སྲོག་རྩོལ་བསྡམ་པ་ཐབས་ཆེན།། རང་བྱུང་འཁྲུལ་པ་བཤིག་པའི་ཆོས།། ཡུལ་མིང་གཉིས་དང་བྲལ་བ་གཅེས།། སྐད་ཅིག་མ
369a3 ལ་བལྟ་བ་ཡིན།། མཐོང་བས་ཀུན་གྱི་རྩ་བ་ཆོད།། ཚོགས་ཆུང་མན་ངག་བསྟན་པ་གཅེས།། འཕྲང་དུ་ཆུག་ལ་གཅིག་ལ་བསྡུས།། གཞི་ཉིད་སྙིང་པོ་རྟོགས་འདྲིས་ཀྱིས།། གདེང་དང་ལྡན་པར་མ་གྱུར་ན།། གོལ་བའི
369a4 ས་དང་ལྡན་པའི་རོ།། ལྡོག་པའི་དུས་དང་སླེབ་པའི་ཚད།། སྲོག་སྙིང་མན་ངག་མེད་པ་ནི།། དམག་དཔོན་མེད་པའི་དམག་མི་འདྲ།། གྲོགས་ཀྱི་ཡི་གེ་མེད་པ་ནི།། དམིགས་མི་མེད་པའི་དམག་དཔོན་འདྲ།། རྒྱན་གྱི་ཡི
369a5 གེ་མེད་པ་ནི།། གོ་མཚོན་མེད་པའི་དམག་མི་འདྲ།། སྙིང་པོའི་གནད་དང་སྲོག་གི་གནད།། གཅིག་ནི་སྲོག་ལ་གཉིས་ནི་མིང་།། གསུམ་ནི་གྲོགས་ལ་བཞི་ནི་རྒྱན།། མགོ་ནི་ཆོད་ལ་གཞུག་ལ་ཐོགས།། རྐེད་པ་ཆོད་ལ
369a6 སྟོད་སྨད་ཁྱེར།། ཁོག་ཏུ་ཚང་ལ་ཁོང་དུ་དཀྲུགས།། ཞེས་གསུངས་སོ།། རྡོ་རྗེ་ཡང་ཏོག་སྙིང་པོའི་རྒྱུད་ལས། ཉམས་བླང་སྲོག་སྙིང་གི་ལེའུ་སྟེ་བཅུ་བཞི་པའོ།། །། དེ་ནས་རྡོ་རྗེ་སེམས་དཔའ་དང་།། རྡོ་རྗེ
iiif viewer powered by OpenSeadragon
