| e-texts navigator |
| Wylie |
368b1 དངོས་གྲུབ་འཐོབ།། དུས་ལ་མི་ལྟོས་ད་ལྟར་ཐོབ།། རྩ་བའི་དམ་ཚིག་གསུམ་ཉམས་ན།། སྨན་མཆོག་བདུད་རྩི་ཨ་མྲྀ་ཏ།། ལྕེ་ལ་བཞག་ཀྱང་སྙིང་ལ་བབས།། ལྕགས་ཀྱི་སྡིག་པ་མགོ་དགུ་ཡིས།། ར་རྩེ་བཅོ་བརྒྱད
368b2 གཅིག་འགྱུར་ནས།། སྲོག་རྩ་བཅད་དེ་ན་རག་གནས།། དེ་བས་དམ་ཚིག་མ་ཉམས་སྲུངས།། དེ་ནས་ཡོན་ཕུལ་བླ་མ་མཉེས།། སྡོམ་པ་བཟུང་སྟེ་སྨོན་ལམ་གདབ།། ལུས་སྲོག་གཅེས་པས་མཆོད་བྱས་ལ།། དམ
368b3 བཅའ་སྨོན་ལམ་འདི་སྐད་དོ།། སྔ་རབས་འདས་པའི་སངས་རྒྱས་ཀྱང་།། སྙིང་པོ་རྟོགས་ནས་སངས་རྒྱས་པས།། འབྲས་བུ་གྲོལ་བ་ཇི་བཞིན་དུ།། བདག་ཀྱང་སྙིང་པོའི་གཡར་དམ་ལེན།། རྗེས་འཇུག་བརླབས་ནས
368b4 རྗེས་སུ་སྒྲུབ།། འདས་པའི་རྒྱལ་བས་བྱིན་གྱིས་རློབས།། མ་བྱོན་པ་ཡི་སངས་རྒྱས་ཀྱང་།། སྙིང་པོ་བརྒྱུད་ནས་གྲོལ་ཐར་ནས།། ཏིང་འཛིན་སྙིང་པོ་གཡར་དམ་ལེན།། རྗེས་འཇུག་བརླབས་ནས་རྗེས་སུ་སྒྲུབ།། མ
368b5 བྱོན་རྒྱལ་བས་བྱིན་གྱིས་རློབས།། ད་ལྟར་བཞུག་པའི་སངས་རྒྱས་ཀྱང་།། སྙིང་པོ་ངོ་ཤེས་རྟོགས་ནས་གྲོལ།། ཏིང་འཛིན་སྙིང་པོ་གཡར་དམ་ལེན།། རྗེས་སུ་བརླབས་ནས་རྗེས་སུ་སྒྲུབ།། ད་ལྟར་རྒྱལ་བས་བྱིན་གྱིས
368b6 རློབས།། དེ་ནས་གཞུང་བསྲང་དབང་བསྐུར་བྱ།། གཏོར་མ་གཏང་ཞིང་དཀྱིལ་འཁོར་བསྡུ།། ཞེས་གསུངས་སོ།། རྡོ་རྗེ་ཡང་ཏོག་སྙིང་པོའི་རྒྱུད་ལས། སེམས་བསྐྱེད་སྡོམ་པའི་ལེའུ་སྟེ་བཅུ་གསུམ་པའོ།། །། དེ
iiif viewer powered by OpenSeadragon
