| e-texts navigator |
| Wylie |
367b1 ལས།། གཏོར་མ་འོད་སའི་དཀྱིལ་དུ་བསྐྱལ།། ཁྲག་དང་ཉུང་དཀར་འོད་མཐའ་བསྐོར།། བོང་ང་མུ་ཟི་གུ་གུལ་གྱིས།། ཡུལ་ལྷ་སེར་སྲུང་སྲུང་མ་མནོལ།། ཐོད་པ་བརྡབ་ལ་ཁྲག་ཀྱང་གཏོར།། རི་རྩེར་ཕྱིན་ལ་གོས
367b2 བརྡབ་ཐོད་པ་བསྒྲིལ།། རྒྱ་འཇུག་ལྡོག་པར་ཤེས་པར་གྱིས།། ལྷ་སྲིན་ཀུན་ལ་གཏོར་མཐོང་།། འདིས་ནི་ཐམས་ཅད་ཆམ་ལ་ཕེབས།། ཞེས་གསུངས་སོ།། དེ་ནས་བསྲུང་བའི་ལས་བྱ་ན།། དཔའ་བོ་གཅིག་པའི
367b3 སྒུསྐུར་གསལ་ཏེ།། རྡོ་རྗེ་འཆད་པ་ཁྲོ་ཆེན་དེས།། སེང་ལྡེང་ཞིར་རྩིབ་ཧཱུཾ་བྲིས་ལ།། གང་དམིགས་ཡུལ་ཕྱོགས་བསྐོར་བར་བྱ།། རྡོ་རྗེ་ཁྲོ་བོས་གཏམས་བསམ་ལ།། ཡུལ་སྡེ་ལ་སོགས་ཕྱོགས་བཅུ་ལ།། མེ་འབར་འོད
367b4 ཞུག་གཞན་འབྱོལ་བསམ།། ཧཱུཾ་ཧཱུཾ་ཧཱུཾ། པ་ཤང་ལིང་ལིང་བཟློག་བཟློག་ས་མ་ཡ། འདིས་ནི་གང་འདོད་མེ་ཏོག་འོང་།། འབྲས་བུ་སྨིན་པར་ཐེ་ཚོམ་མེད།། བྱོལ་ཏེ་འགྲོ་བར་རྒྱལ་བས་གསུངས།། རྡོ་རྗེ་ཡང་ཏོག་སྙིང
367b5 པོའི་རྒྱུད་ལས། དབབ་བཅད་ཀྱི་ལེའུ་སྟེ་བཅུ་གཉིས་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་སེམས་དཔའ་མཁའ་འགྲོ་མ།། རྗེས་སུ་འཇུག་པ་དམ་བསྲེན།། བདུད་རྩི་བྱིན་གྱིས་བརླབས་བྱས
367b6 ལ།། དེ་ནས་ཕྱག་འཚལ་འདི་སྐད་ཞུ།། བླ་མ་རྡོ་རྗེ་འཆང་བ་ཉིད།། རྡོ་རྗེ་སྐུ་ཡི་དཀྱིལ་འཁོར་དུ།། བདག་ཀྱང་རབ་ཏུ་འཇུག་ལགས་ན།། ཐུགས་རྗེ་ཆེན་པོས་དགོངས་ནས་ནི།། བདག་ལ་གནང་བར་མཛད་དུ
iiif viewer powered by OpenSeadragon
