| e-texts navigator |
| Wylie |
367a1 དང་ཙིཏྟ་ཧཱུཾ།། དངོས་གྲུབ་དབང་དང་ཨཱ་ལི་སྦྲེལ།། ཞེས་གསུངས་སོ།། རྡོ་རྗེ་ཡང་ཏོག་སྙིང་པོའི་རྒྱུད་ལས། སྔགས་དང་སྦྲེལ་སོའི་ལེའུ་སྟེ་བཅུ་གཅིག་པའོ།། །། དེ་ནས་ཡང་དག་བཤད་བྱ
367a2 བ།། ཉོན་ཅིག་སེམས་དཔའ་མཁའ་འགྲོ་མ།། དབབ་བཅད་སྦྱོར་བ་རྫོགས་པར་གྱིས།། རང་བྱུང་སྙིང་པོ་ཧཱུཾ་ལ་བྱ།། འདི་ནི་ཕྲིན་ལས་ཡོངས་ཀྱི་རྒྱུད།། རྩ་བ་ནོར་བུ་རིན་ཆེན་ནོ།། འགྱུ་དྲན་འཛིན་ཆགས་ལས་ཀྱི
367a3 མཐའ།། རྡོ་རྗེ་ཡང་ཏོག་ལས་ཀྱི་ཁྲིགས།། ལག་ལེན་དམར་བྱང་ཡང་ཏོག་རྒྱུད།། ཀུན་དང་འབྲེལ་པ་སྙིང་པོའི་རྒྱུད།། རྩ་བ་ཐབས་ཀྱི་རྒྱུད་དུ་ཟུང་།། འདི་ནི་མཇུག་ཏུ་ལག་ཏུ་གཏད།། དེས་ཀྱང་སྙིང་དང་མིག་ཏུ
367a4 རྩིས།། སྦས་པའི་སྙིང་པོ་གསང་དབང་འདི།། དམ་ཚིག་གཞུང་བསྲང་ཡུལ་ཁམས་དགྲ།། བདག་གིས་མ་ཉེས་ཕམ་གསུམ་བླངས།། བསྟན་པ་འཇིག་ན་ལས་འདི་བྱ།། སྙིང་པོ་འཕྲུལ་གྱི་སྐུ་བསྒོམ་ལ།། ངག་ཀྱང་མི
367a5 བསྡད་ཧཱུཾ་དྲག་བགྲང་།། ཡིད་ཀྱང་མི་བསྡད་ཕོ་ཉ་བསྒོམ།། ཡུལ་ཁམས་གསལ་བ་བྱས་ལ་དབང་།། མཛེ་ཐོད་ཤ་ཁྲག་སྔོ་སྣ་ཚོགས།། བོང་ང་ཉུང་དཀར་མུ་ཟི་ནག། གུ་གུལ་རབས་ཆད་གྲི་བོའི་ཁྲག། ཧཱུཾ་ནཱ་ག་ཙ་པ་ནི
367a6 རཱ་ཧུ་ལ་ས་ཧ། ཧཱུཾ་ནཱ་ག་ཙ་བ་ནི་རཱ་ཧུ་ལ་ཕྲོམ་ཕྲོམ། ཧཱུཾ་ནཱ་ག་ཙ་བ་ནི་རཱ་ཧུ་ལ་ཆུ་དྲིལ་ཕྲོམ་ཕོབ་ཕོབ། ཡུལ་ཁམས་ཕུང་བར་ཐེ་ཚོམ་མེད།། ཞག་བརྒྱད་བསྙེན་ལ་བཞི་རུ་བསྒྲུབ།། ཞག་གསུམ་ལས་སྦྱོར་དབབ་པའི
iiif viewer powered by OpenSeadragon
