| e-texts navigator |
| Wylie |
365a1 མི་ཧཱུཾ།། ཧཱུཾ་སྐལ་ལྡན་རིགས་ཀྱི་བུ་ཁྱོད་ལ།། ཛ་གད་ཨ་མྲྀ་ཏ་ཡི་དབང་བསྐུར་བས།། འགྲོ་བའི་ནད་སེལ་ཡེ་ཤེས་ལྔ།། འགྲོ་བ་འབངས་སུ་འདུ་བར་ཤོག། ཧཱུཾ་ཨ་མྲྀ་ཏ་ཨ་བྷི་ཥིཉྩ་མི་ཧཱུཾ།། ཧཱུཾ་སྐལ་ལྡན
365a2 རིགས་ཀྱི་བུ་ཁྱོད་ལ།། དམར་ཆེན་རཀྟས་དབང་བསྐུར་བས།། ཐུགས་རྗེ་ཆགས་པ་རང་གྲོལ་ནས།། ཤེས་རབ་རང་བྱུང་མེ་འབར་ཏེ།། མཁའ་འགྲོ་དབང་དུ་འདུ་བར་ཤོག། ཧཱུཾ་རཀྟ་ཨ་བྷི་ཥིཉྩ་མི་ཧཱུཾ།། ཧཱུཾ་སྐལ་ལྡན
365a3 རིགས་ཀྱི་བུ་ཁྱོད་ལ།། ཞལ་ཟས་ཚོགས་ཀྱི་དབང་བསྐུར་པས།། ཐམས་ཅད་ཡོངས་སུ་རྫོགས་པ་ཡི།། བཟའ་བཏུང་ལོངས་སྤྱོད་ཚོགས་རྫོགས་ཤོག། ཧཱུཾ་བྷུན་ཛ་ཨ་བྷི་ཥིཉྩ་མི།། ཧཱུཾ་སྐལ་ལྡན་རིགས་ཀྱི་བུ་ཁྱོད
365a4 ལ།། ཞུན་མར་སྣང་བས་དབང་བསྐུར་བས།། རང་གསལ་སྙིང་པོ་རང་རིག་སྒྲོན།། ཡེ་ཤེས་རང་འབྱུང་རང་སྣང་ཤོག། ཧཱུཾ་ཨཱ་ལོ་ཀེ་ཨ་བྷི་ཥིཉྩ་མི།། ཧཱུཾ་སྐལ་ལྡན་རིགས་ཀྱི་བུ་ཁྱོད་ལ།། སྙིང་པོ་མི་འགྱུར་ཚེ་ཡི་དབང
365a5 བསྐུར་བས།། བར་ཆོད་རྐྱེན་མེད་ཚེ་དང་དབང་ཐང་རྒྱས།། རྡོ་རྗེ་ཧཱུཾ་གི་ཚེ་དབང་ཐོབ་པར་ཤོག། ཧཱུཾ་བཛྲ་ཨཱ་ཡུ་ཥེ་ཨ་བྷི་ཥིཉྩ་མི། ཧཱུཾ་བཛྲ་ཨ་བྷི་ཥིཉྩ་མི། ཧཱུཾ་བུདྡྷ་ཨ་བྷི་ཥིཉྩ་མི། ཧཱུཾ་རཏྣ་ཏཱཾ་ཨ་བྷི་ཥིཉྩ་མི། ཧཱུཾ་པདྨ་དྷྲྀ་ཀ་ཨ
365a6 བྷི་ཥིཉྩ་མི། ཧཱུཾ་ཀརྨ་ཧཱ་ཨ་བྷི་ཥིཉྩ་མི། དེ་ནི་སྐུ་གསུང་ཐུགས་ཀྱི་དབང་།། རིག་པ་འཛིན་ལ་དབང་བསྐུར་གྱིས།། ཧཱུཾ་ཕྱག་རྒྱ་རང་བྱུང་འཕྲུལ་གྱི་སྐུ།། བདེན་པ་རང་བྱུང་ཧཱུཾ་གི་སྔགས།། ཏིང་འཛིན་སྙིང་པོ་རང་བྱུང
iiif viewer powered by OpenSeadragon
