| e-texts navigator |
| Wylie |
364b1 བྱ།། སྐུ་གསུང་ཐུགས་ཀྱི་དབང་དང་ནི།། གཏོར་མ་ཞལ་ཟས་ཚོགས་དང་ཕུད།། རཀྟ་མར་མེ་ཆེ་མི་དབང་།། རྫས་དང་དྷ་མ་ཆགས་ཤིང་དབང་།། ལྷ་སྒོམ་སྤྱོད་པའི་དབང་བསྐུར་བྱ།། རྡོ་རྗེ་རྒྱལ་པོ་རྗེས་འཇུག
364b2 ཀྱིས།། ཞུས་གནང་དབང་ཡོན་གདམས་པ་བསྟན།། དང་པོ་དབང་ལ་འཇུག་ཙ་ན།། དཀྱིལ་འཁོར་དབང་རྫས་ལྟ་བ་ཞུ།། ཡོན་འབུལ་དབང་བསྐུར་གདམས་པ་ཞུ།། དེ་དོན་ཞུ་བ་འདི་སྐད་གསོལ།། ཧཱུཾ་བདེ་ཆེན་སྙིང
364b3 པོའི་ཕོ་བྲང་དུ།། ཐུགས་རྗེས་གནང་འཚལ་བསྟན་པར་ཞུ།། བདག་ལྷ་ཉོན་མོངས་སྙིང་རྗེ་ལ།། མ་རིག་མིག་འབྱེད་གསལ་བར་ཞུ།། སྔོན་གྱི་མིག་མཁན་རྒྱལ་པོ་ཡིས།། མ་རིག་ལིང་ཏོག་བསལ་བར་ཞུ།། འཇུག
364b4 ཁྲིད་གདམས་པ་ཆོས་བསྟན་ཧཱུཾ།། སྦས་པའི་མན་ངག་བསྟན་པར་ཞུ།། ཧཱུཾ་སྐལ་ལྡན་རིགས་ཀྱི་བུ་ཁྱོད་ཀྱིས།། བླ་མ་རྡོ་རྗེའི་བཀའ་དྲིན་གྱིས།། གསང་བའི་སྙིང་པོའི་དཀྱིལ་འཁོར་ལྟོས།། ཧཱུཾ་རང་བྱུང་སྙིང་པོའི་དཀྱིལ
364b5 འཁོར་འདི།། གཅིག་བལྟས་པས་ནི་ཐམས་ཅད་མཐོང་།། རིག་པའི་མེ་ཏོག་འདི་དོར་ལ།། མིག་འདི་དབྱེ་ཡིས་ལེགས་པར་ལྟོས།། ཧཱུཾ་བཛྲ་པྲ་ཝེ་ཤཱ་ཡ་ཕཊ།། ཐུགས་ཀྱི་མཎྜལ་ཕོ་བྲང་ངོ་།། དེ་ནས་རིགས་ཀྱི་བུ་དེ
364b6 ལ།། རྡོ་རྗེ་རྒྱལ་པོའི་དབང་བསྐུར་བྱ།། ཧཱུཾ་གཏོར་མ་ཡེ་ཤེས་ཕྱག་རྒྱ་ཆེ།། གང་མོས་ལྷ་རུ་བྱིན་བརླབས་ནས།། སྐལ་ལྡན་ཁྱོད་ལ་དབང་བསྐུར་བས།། སྙིང་པོ་ཧཱུཾ་དོན་རྟོགས་པར་ཤོག། ཧཱུཾ་ཧཱུཾ་ཧཱུཾ་བ་ལི་ཛྙཱ་ན་ཨ་བྷི་ཥིཉྩ
iiif viewer powered by OpenSeadragon
