| e-texts navigator |
| Wylie |
35a1 པའི་ཐུན་དྲུག་གིས་ངན་སྔགས་ཀྱི་གཞི་གཅིག་ཏུ་དྲིལ་བ་དང་། རྐྱང་བའི་བྱ་ཐབས་ཀྱིས་འགལ་བྱེད་གསད་པའོ།། དེ་ལྟར་རྣལ་འབྱོར་པ་གཅིག་གི་བརྟན་པ་འཛིན་པ་དང་། སྐྱོང་བ་དང་། བསྲུང་བ
35a2 གསུམ་ཚང་བར་བསྟན་པ་ནི། རྒྱུད་དེ་དག་ཚིག་མཐའ་ཡས་ཀྱང་། དོན་རྣལ་འབྱོར་པ་གཅིག་གི་ཆ་རྐྱེན་དུ་བསྟན་པའོ།། དེའི་ཕྱིར་ན་རྒྱུད་ཐམས་ཅད་ཀྱི་ཙིཏྟ་ཕྱུང་བ་སྟེ། དེ་དག་རྣམས་ལ་མན་ངག་གི་གཟེར་འདི
35a3 དག་དང་མི་ལྡན་ན། སྙིང་ཕྱུང་བའི་རོ་དང་འདྲ་བས་དོན་མེད་པའོ།། དེའི་ཕྱིར་རྣལ་འབྱོར་པ་སྤྲོས་པ་མེད་པའི་བློ་ཅན་རྣམས་ཀྱི་དོན་དུ། རྒྱུད་ཀྱི་ཁོག་སྙིང་ཕྱུང་སྟེ་བསྟན་པའོ།། འདིའི་མན་ངག་དོན་དང་ལྡན་པའི
35a4 རྣལ་འབྱོར་པས། རྒྱུད་ཚིག་རྣམས་དགོས་པ་མེད་པའི་བསྟན་པས་ཚིག་གི་སྤྲོས་པ་ཆོད་དེ་དོན་གཅིག་ཏུ་གནས་པའི་དགོས་པ་ཡོད་པས། དེ་ལ་ཡིད་ཆེས་ཤིང་ཚིག་ལ་མཐར་རྟོགས་པས་ན་རྣལ་འབྱོར་ཆེན་པོ་རྣམས
35a5 ཀྱི་སྤྱོད་ཡུལ་ལོ།། དེའི་ཕྱིར་ན་མན་ངག་འདི་དག་གཞན་ལ་ཚིག་ཟུར་ཙམ་ཡང་བརྗོད་དུ་མི་བྱའོ།། འདི་ནི་ཉམས་སུ་ལེན་པའི་གང་ཟག་གསུམ་ལས་སྤེལ་ན་མཁའ་འགྲོ་མའི་ཆད་པ་འབྱུང་ངོ་།། དེས་ན་རབ་ཏུ
35a6 གསང་བར་བྱའོ།། བསྟན་པ་ཐམས་ཅད་ཀྱི་སྙིང་པོ།། ལྟ་བ་ཐམས་ཅད་ཀྱི་ཡང་ཞུན། མན་ངག་ཐམས་ཅད་ཀྱི་ཉིང་ཁུ་ཡིན་པས་སོ།། རྒྱུད་ཀྱི་ཁོག་སྙིང་གང་ཟག་གཅིག་གི་ཆ་རྐྱེན་གྱིས་བསྡུས་པ། གསལ་བའི་ལྡེ་མིག
iiif viewer powered by OpenSeadragon
