| e-texts navigator |
| Wylie |
349b1 དབང་།། སངས་རྒྱས་རེ་མེད་དབང་མཆོག་ཡིན།། ཞེས་གསུངས་སོ།། རྡོ་རྗེ་ཡང་རྩེའི་རྒྱུད་ལས། དབང་སྦྱོར་སྒྲོལ་རྩ་བ་མཚོན་པའི་ལེའུ་སྟེ་བདུན་པའོ།། །། རྡོ་རྗེ་འཆང་བས་བཀའ་སྩལ་པ།། ཉོན་ཅིག་བཛྲ་ས་ཏྭ
349b2 ཁྱོད།། ཅི་ཡང་ཡིན་ནི་གང་ཡང་རུང་།། མདུན་དང་རྒྱབ་དང་ཕྱོགས་བཅུ་རུ།། གང་ལྟར་སྣང་ཡང་སྙིང་པོ་ཉིད།། སྙིང་པོ་སྣང་བ་རང་བྱུང་ཡིན།། ཅི་ཡང་མེད་དོ་གང་ཡང་སྣང་།། མེད་བཏགས་འཁྲུལ་པ་རྫུན་པའི
349b3 ཆོས།། མིང་ཙམ་འདི་ཞེས་མཚོན་ན་ནི།། རྡོ་རྗེ་སེམས་དཔའ་མཚོན་དུ་མེད།། གཅིག་ནི་ཀུན་གྱི་རང་བཞིན་ཡིན།། གཅིག་པོ་རང་ཡང་གང་དུ་འདུག། མིང་མེད་ཡུལ་དང་བྲལ་བར་གྱིས།། ཡུལ་སྣང་གཟུགས་ནི་སྲོག
349b4 གི་གཞི།། ཡུལ་དུ་བདེན་པ་གང་ན་འདུག། རྡུལ་ཙམ་འདུག་ན་སྲོག་ལ་ཤོར།། སྲོག་གི་ལ་ཤན་ཕྱེད་པར་གྱིས།། མིང་བཏགས་ཆོས་ཀུན་སྙིང་པོའི་གཞི།། མིང་ཡིག་སྒྲ་བསྒྲགས་གང་ལ་བདེན།། གཅིག་ཙམ་བདེན་ན
349b5 མིང་ལ་འཁོར།། ཚིག་གི་སྒྲོ་འདོགས་ཆོད་པར་གྱིས།། གཉིས་མེད་གཉིས་སུ་མེད་པར་སྟོན།། བསྟན་པས་ཡུལ་མེད་མཚོན་ཚིག་གང་།། བདེན་པར་སུས་སྒྲ་འཁྲུལ་པས་ཆོག། དངོས་པོ་དངོས་མེད་གཉིས་ཀ
349b6 གཅིག། སྟོང་ཉིད་སྨྲ་བའི་ཁྱུ་མཆོག་ཡིན།། རང་བྱུང་འཕྲུལ་གྱི་སྙིང་པོའི་སྐུ།། གང་ལྟར་སྣང་བ་སྙིང་པོའི་བརྡའ།། འདྲེན་པའི་ཐུགས་རྗེ་འགག་པ་མེད།། ཡེ་ཤེས་སྐུ་སྟེ་རང་བྱུང་ཡིན།། ཞེས་གསུངས་སོ།། རྡོ་རྗེ་ཡང
iiif viewer powered by OpenSeadragon
