| e-texts navigator |
| Wylie |
349a1 པའི་གང་ཟག་ལ།། དེ་ཡི་དོན་རྟགས་བསྟན་པ་ནི།། དཔེར་ན་རྨི་ལམ་སད་པ་འདྲ།། གོམས་རྟགས་བརྟན་པར་འབྱུང་བ་ཡིན།། སྒྲིབ་པ་སྦྱོང་བ་དྲག་ཞན་ཡིན།། དགེ་སྡིག་གཉིས་པོ་མཉམ་ཉིད
349a2 ན།། རྣམ་པར་སྨིན་པའི་འབུན་པ་དེངས།། ནམ་མཁར་ཁུ་རླངས་དེངས་པ་འདྲ།། ནད་ནི་འབྱུང་བའི་རང་བཞིན་འགྱུར།། ལུས་ཀུན་ཐིག་ལེ་རྒྱས་པ་འདྲ།། གདོན་ཀུན་རྒྱལ་པོ་ཟིན་པ་ཡིན།། དམངས་དང་མེ་ལམ་རྩི
349a3 སྦུསྤུར་འདྲ།། སྙིང་པོ་རང་བྱུང་སུས་རྟོགས་པ།། རིན་ཆེན་གསེར་གླིང་ཕྱིན་པ་འདྲ།། ཞེས་གསུངས་སོ།། རྡོ་རྗེ་ཡང་རྩེའི་རྒྱུད་ལས། ཕྲིན་ལས་མདོར་བསྟན་པའི་ལེའུ་སྟེ་དྲུག་པའོ།། །། རྡོ་རྗེ་འཆང་བས་བཀའ
349a4 སྩལ་པ།། ཉོན་ཅིག་བཛྲ་ས་ཏྭ་ཁྱོད།། མ་བུ་གཉིས་ཀྱི་སྦྱོར་སྒྲོལ་གྱིས།། སྙིང་པོ་ཆོས་ཀྱི་སྐུ་རུ་སྒྲོལ།། ཕྱིར་མི་ལྡོག་པ་ཕྱིར་མི་འོང་།། འདྲེན་པའི་ཐུགས་རྗེ་རྒྱུན་མི་ཆད།། འགྱུ་དྲན་ཆོས་ཀྱི་དབྱིངས་སུ་སྦྱོར།། ཆགས་པ
349a5 རང་བྱུང་ཀློང་དུ་གྲོལ།། གཉིས་སུ་མེད་པའི་མཆོད་པ་ཡིན།། འགྱུ་དྲན་འཛིན་ཆགས་དབང་དུ་གྱིས།། རིག་པ་རྩལ་གྱི་དབང་བསྐུར་ཡིན།། ལྷ་དང་བུམ་པ་རིག་མ་དང་།། གཞན་ལ་ལྟོས་འགྱུར་ཆོས་མ་ཡིན།། རང
349a6 བྱུང་ངོས་ཟིན་འཁྲུལ་པ་མེད།། འགྱུ་དྲན་རང་སྦྲང་རང་སྒྲོལ་དབང་།། འཛིན་ཆགས་དོ་ཆད་སྙིང་པོའི་ཡུལ།། འཛིན་མེད་འགྱུ་བ་རང་བྱུང་དབང་།། བདག་མེད་ཡུལ་གྲོལ་ཡེ་ཤེས་དབང་།། དབང་གི་རྒྱལ་པོ་རང་བྱུང
iiif viewer powered by OpenSeadragon
