| e-texts navigator |
| Wylie |
348b1 བསྣན་འདྲ།། གང་ཞིག་རང་བྱུང་ངོ་ཤེས་པ།། ཞི་རྒྱས་དབང་དྲག་ཕྲིན་ལས་འགྲུབ།། ནང་འཇིལ་ལུས་བདེ་འབྱུང་བ་ལྔ།། འདུ་བས་མི་ཚུགས་རྡོ་རྗེ་འདྲ།། སྲོག་སྙིང་རང་བྱུང་ངོ་ཤེས་ན།། ལྷ་དང་ཀླུ་དང་གཟའ་དང
348b2 བདུད།། གནོད་སྦྱིན་སྲིན་པོ་དམུ་དང་བཙན།། རྒྱལ་པོ་མ་མོ་ལྷ་སྲིན་ཀུན།། ཁྲིམས་ལ་གནས་ཀྱི་རྒྱལ་པོ་འདྲ།། རང་བྱུང་སྙིང་པོ་སུས་འཆང་བ།། བསོད་ནམས་ལོངས་སྤྱོད་འཁོར་རྫས་འཕེལ།། དགྲ་མེད་སུས
348b3 མཐོང་ཕ་དང་མ།། ནོར་བུ་རིན་ཆེན་འཆང་བ་འདྲ།། ལོ་ཟླ་གཟའ་སྐར་དུས་ཚོད་མེད།། སྤྲིན་མེད་མཁའ་དཀྱིལ་ཉི་མ་འདྲ།། གང་ལ་སྣང་སྔགས་རང་བྱུང་སྔགས།། འབྱུང་བ་འཁྲུགས་པའི་གློག་དང་འདྲ།། ཞེས
348b4 གསུངས་སོ།། རྡོ་རྗེ་ཡང་རྩེའི་རྒྱུད་ལས། ཐམས་ཅད་ཡོན་ཏན་དུ་མཚོན་པའི་ལེའུ་སྟེ་ལྔ་པའོ།། །། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་བཛྲ་སཏྭ་ཁྱོད།། ལས་རྣམས་ལྡན་པར་ཚོགས་པ་ནི།། སྙིང་པོ་སྒྱུ
348b5 མའི་རྫས་དང་འདྲ།། གཅིག་ལ་མཐོང་སྣང་འཆར་ལུགས་ཡང་།། དཔེར་ན་ནོར་བུ་རིན་པོ་ཆེ།། འཆང་བས་ཡོན་ཏན་འབྱུང་བ་འདྲ།། དཔའ་བོ་གཅིག་པ་རིན་པོ་ཆེ།། ཞི་དང་རྒྱས་པ་དྲག་པོའི་ལས།། གང་ལ་བྱ་བ་དེ
348b6 ཉིད་སྣང་།། ཐོགས་པ་མེད་པར་འགྲུབ་པར་འགྱུར།། རྣམ་སྨིན་འབྱུང་བ་འཁྲུགས་པའི་གདོན།། དེ་ཡི་ཡོན་ཏན་མངོན་དུ་སྣང་།། དཔེར་ན་ཉི་མས་ཁྱབ་པ་འདྲ།། རྣམ་སྨིན་སྒྲིབ་པའི་ནད་དང་གདོན།། སྙིང་པོ་རྟོགས
iiif viewer powered by OpenSeadragon
