| e-texts navigator |
| Wylie |
348a1 དང་མི་ལྡན་དམ་རྫས་ཡིན།། ཡིད་ལ་སློབ་པས་སྔགས་ཀྱང་ཡིན།། གསང་སྔགས་རིག་སྔགས་གཟུངས་སྔགས་སོ།། དབུགས་ཀྱི་འཕྲོ་འདུ་བ་ཟླ་ལུགས་ཡིན།། འགྲོ་འོང་གནས་པ་ཧཱུཾ་གི་སྟོབས།། ན་རུ
348a2 སོན་ན་ཕྲིན་ལས་ཡིན།། གྲུབ་རྟགས་མངོན་དུ་འདི་ཀ་རང་།། སེམས་ལ་དབང་ཐོབ་མངག་པ་ཡིན།། འགྲུས་དྲན་དབང་ཐོབ་དབང་གི་མཆོག། ཧཱུཾ་དུ་དངོས་ཐོན་མངོན་རྟགས་ཡིན།། སྐུ་དང་གསུང་དང་ཐུགས་སོགས
348a3 ཧཱུཾ།། མ་གྲུབ་ཏིང་འཛིན་སྤོག་པ་ཡིན།། བརྩོན་འགྲུས་བརྩོན་མེད་ཡེངས་པ་མེད།། ཨ་ལ་ཐིམ་པས་གཟིར་བ་ཡིན།། རང་བྱུང་སྐྱེ་བ་མེད་པར་ཤེས།། དགོངས་པར་སྒྲོལ་ན་ཤི་ས་ཡིན།། གཅིག་མེད་གང་ཡང་ཡིན།
348a4 པའི་ཧཱུཾ།། ཅི་ཡང་ཡིན་ནོ་གང་ཡང་རུང་།། སུ་ཞིག་ཐུགས་ཀྱི་དཀྱིལ་འཁོར་དུ།། རྟེན་དང་ལྡན་ནོ་ཁྱད་པར་ཆེ།། རང་བྱུང་སྐྱེ་མེད་སྙིང་པོ་ཡིན།། ཞེས་གསུངས་སོ།། རྡོ་རྗེ་ཡང་རྩེའི་རྒྱུད་ལས།། ཐུགས་མཚོན་པའི་ལེའུ
348a5 བཞི་པའོ།། ། རྡོ་རྗེ་འཆང་བས་བཀའ་སྩལ་པ།། ཉོན་ཅིག་བཛྲ་ས་ཏ་ཁྱོད།། ནོར་བུ་རིན་ཆེན་འོད་འབར་བཤད།། ས་ཡི་སྙིང་པོ་འགྲོ་བ་འཛིན།། སངས་རྒྱས་ཀུན་གྱི་སྙིང་པོ་ཆེ།། དཔེར་ན་ནོར་བུ་རིན་ཆེན
348a6 གླིང་།། ས་རྡོ་མི་གནས་རིན་པོ་ཆེ།། རང་བྱུང་སྙིང་པོ་སུས་རྟོགས་པ།། འཁྲུལ་སྣང་དགེ་སྡིག་གང་ཡང་མེད།། ཆོས་ཉིད་ཆོས་དབྱིངས་སྙིང་པོའི་ཀློང་།། གང་ལྟར་བྱས་ཀྱང་སྙིང་པོའི་གྲོགས།། དཔེར་ན་མེ་ལ་ཤིང
iiif viewer powered by OpenSeadragon
