| e-texts navigator |
| Wylie |
347b1 ཡིན།། འབྲུ་གཅིག་ཨ་ཏི་ཡུལ་མེད་སྒྲ།། གཅིག་མེད་ཡུལ་དང་འབྲེལ་བའི་སྔགས།། བླ་ན་མེད་པའི་རང་བྱུང་སྙིང་།། ཡང་སྙིང་འཕྲུལ་གྱི་སྙིང་པོ་ཡིན།། འབྱུང་ལྔ་སྐུ་ལྔ་ཕྱོགས་ལྔ་ཡེ་ཤེས་ལྔ།། འབྲུ་བརྒྱད་སྙིང་པོ
347b2 དག་ཏུ་བཟླ།། ཧཱུཾ་དང་རུ་ལུ་སྦྲེལ་བའི་གླུ།། སྲོད་དང་ཐོ་རངས་དུས་དྲུག་བླངས།། འབྲུ་གསུམ་སྲོག་རྩོལ་གནས་པས་བཟླས། ཨུ་ནན་དབང་བསྐུར་སྤྲོ་བསྡུ་ཨ།། གསང་སྔགས་གཟུངས་སྔགས་རིག་སྔགས
347b3 བསྡེབས།། སྔགས་རྣམས་གང་ཡང་མགོ་བོ་གནོན།། འབྲུ་གཅིག་ཡིད་ལ་རང་བྱུང་སྔགས།། འགྱུ་དྲན་འཛིན་ཆགས་ཀུན་དང་འགྲོགས།། རྒྱུ་རྩ་གཞི་ཉིད་འཛིན་པའི་སྔགས།། མ་བཏགས་ཀུན་གྱི་རང་སྒྲ་ཡིན།། ཕྱི
347b4 ལྟར་བརྡ་རུ་མིག་ལ་སྟོན།། ནང་ལྟར་རྟག་ཏུ་ལུས་ལ་སྦྱོར།། གསང་བ་ཡིད་ཚོགས་སྒྲ་རུ་སྒྲོགས།། དོན་དུ་ཆོས་ཉིད་སྙིང་པོ་ཧཱུཾ།། ཞེས་གསུངས་སོ།། རྡོ་རྗེ་ཡང་རྩེའི་རྒྱུད་ལས། གསུང་མཚོན་པའི་ལེའུ་སྟེ་གསུམ
347b5 པའོ།། །། ཀུན་བྱེད་རྒྱལ་པོས་བཀའ་སྩལ་པ།། ཉོན་ཅིག་རྡོ་རྗེ་སེམས་དཔའ་ཁྱོད།། གཉིས་མེད་གཉིས་སུ་མེད་པར་སྟོན།། རྡོ་རྗེ་ཧཱུཾ་སྟེ་ཧཱུཾ་ཞེས་སྒྲོགས།། ངོ་བོ་སྟོང་པ་བལྟ་བ་ཡིན།། ཡུལ་མེད་ཕྱོགས་ལྷུང
347b6 མེད་པ་ཡིན།། ཧཱུཾ་དུ་འཛིན་པ་ཏིང་འཛིན་ཡིན།། འགྱུ་དྲན་འཛིན་ཆགས་ཡེངས་པ་མེད།། ལོག་ལྟ་གཅོད་པས་འཁོར་ལོ་ཡིན།། རང་བྱུང་ངོས་འཛིན་འཁོར་ལོ་གཉིས།། རང་སེམས་བསྒྲུབ་པས་དམ་རྫས་ཡིན།། དེ
iiif viewer powered by OpenSeadragon
