| e-texts navigator |
| Wylie |
345b1 པའི་ཡེ་ཤེས་ལྔ་དང་། ཉེ་བའི་འཁོར་སྤྲུལ་པའི་སྲས་བདུན་ལ་སོགས་ཏེ། གསང་བའི་བདག་པོས་སྣ་དྲངས་ཏེ། སྐོར་བ་ལན་གསུམ་བྱས་ནས། ཨེ་མ་ཧོ། བདག་ཅག་འདུས་པའི་ཚོགས་རྣམས་ལ།། དུར་ཁྲོད་ཕུང་པོ
345b2 འབར་བའི་གསང་རྒྱུད་དེ།། ཐུགས་ཀྱི་དཀྱིལ་འཁོར་སྒོ་ཕྱེ་ནས།། ཤེས་རབ་རླུང་གི་ལྷ་མོས་བསྐྱོད།། འགྱུར་མེད་གསུང་གི་བུམ་པར་དྲིལ།། ལྗགས་ཀྱི་པདྨ་དག་ལ་བཀྲམ།། ཚེམས་དཀར་བཞི་བཅུའི་ནང་ནས
345b3 བཏོན།། ཕུང་པོ་འབར་བའི་གསང་རྒྱུད་འདི།། བདག་ཅག་འདུས་པའི་འཁོར་ལ་གནང་།། མ་རིག་མུན་པའི་བློ་གསལ་ནས།། རང་རིག་འབྱེད་མེད་ངང་དུ་བསྐྱལ།། རྟོགས་པའི་སངས་རྒྱས་མངོན་དུ་འགྱུར།། རང
345b4 བཞིན་སྤྲོས་པའི་མཐའ་བཅད་ནས།། འགྱུར་མེད་དགོངས་པའི་ངང་དུ་བསྐྱལ།། ཞེས་བསྟོད་དོ།། དུར་ཁྲོད་ཕུང་པོ་འབར་བའི་རྒྱུད་ལས། མཇུག་རྗེས་སུ་ཡི་རང་བའི་ལེའུ་སྟེ་བཅུ་གཅིག་པའོ།། །། དུར
345b5 ཁྲོད་ཕུང་པོ་འབར་བའི་མན་ངག་གི་རྒྱུད་རྫོགས་སོ།། །། སློབ་དཔོན་བི་མ་ལས་མངའ་བདག་ལ་གདམས་པ། གཞན་ལ་བསྟན་པར་གྱུར་ན། སྒྲོལ་བྱེད་ཆེན་པོས་སྙིང་ཁྲག་འཇིབས་སོ།། །།
iiif viewer powered by OpenSeadragon
