| e-texts navigator |
| Wylie |
345a1 པའོ།། འབར་ནི་ཉོན་མོངས་དུག་ལྔ་འབར།། བརྒྱུད་ནི་འཁོར་བ་རང་གར་བརྒྱུད།། དུར་ཁྲོད་མི་གཙང་ནང་ན་གནས།། མ་རིག་མ་རྟོགས་དུས་ནའོ།། སྐྱོན་གྱི་མཐར་གསུམ་སེལ་གྱུར་ན།། མ་རིག
345a2 སེམས་ཀྱི་གདར་ཤ་བཅད།། དུག་ལྔ་རང་གྲོལ་ཡེ་ཤེས་ཏེ།། དེ་ལྟར་རིག་པའི་དོན་ཤེས་ན།། རིག་པ་མ་ཡིན་གཞན་སྣང་མེད།། སྐྱེ་མེད་ཆེན་པོའི་ངང་དུ་གོལ།། ཐམས་ཅད་མངོན་སངས་ཉིད་དུ་རྒྱས།། དེ
345a3 ལྟར་ཐམས་ཅད་རྒྱས་ཐེབས་ན།། ཕུང་ནི་མ་རིག་དུག་ལྔ་ཕུང་།། པོ་ནི་རིག་པ་འགྱུར་བ་མེད།། འབར་ནི་བདེ་ཆེན་རྟོགས་པ་འབར།། དུར་ནི་ཆོས་ཀྱི་དབྱིངས་ཡིན་ཏེ། ཁྲོད་ནི་རིག་པའི་ཡེ་ཤེས་ཉིད།། རང་གིས་རང
345a4 སྣང་ཟིན་པའོ།། ཆོས་ཉིད་ཞིང་ཁམས་དག་གསལ་ལ།། རིག་པའི་ཡེ་ཤེས་རང་གསལ་ཐིམ།། དབྱིངས་དང་ཡེ་ཤེས་རིག་པ་གཉིས་མེད་དེ།། རང་ས་ཟིན་ཏེ་མི་འགྱུར་བའོ།། ཞེས་གསུངས་སོ།། དུར་ཁྲོད་ཕུང་པོ
345a5 འབར་བའི་རྒྱུད་ལས། ཕུང་པོ་རྒྱུད་ལ་སྦྱར་ཞིང་སྣང་བ་གོ་བཟློག་པའི་ལེའུ་སྟེ་བཅུ་པའོ།། །། དེ་ནས་ཡང་གསང་བའི་བདག་པོ་དང་།། སྡུད་པའི་འཁོར་དགའ་རབ་རྡོ་རྗེ་དང་། འཁོར་མཁའ་འགྲོ་མ་ལྔ་སྟེ། ཡེ
345a6 ཤེས་མཁའ་འགྲོ་མ། ལས་ཀྱི་མཁའ་འགྲོ་མ། གཙུག་གི་རྒྱན་གཅིག་མ། རྡོ་རྗེ་ཁྲོ་གདོང་མ་ལ་སོགས་ཏེ་མཁའ་འགྲོ་མའི་ཚོགས་དང་། བྱང་ཆུབ་སེམས་དཔའ་ཁྱེའུ་ལྔ་དང་། གསང་བའི་འཁོར་དུག་ལྔ་དབང་དུ་སྡུད
iiif viewer powered by OpenSeadragon
