| e-texts navigator |
| Wylie |
344b1 མཉམ་པར་བཞག་པས་བྱང་ཆུབ་སྐྱེ།། ཤེས་པ་ཆུ་ཡི་རྒྱུན་དང་འདྲ།། བརྟགས་ཀྱིན་བརྟགས་ཀྱིན་རང་དབང་ཐོབ།། ཤེས་རབ་ཆེན་པོའི་རང་དབང་ཐོབ།། སྤྲོས་མེད་དབྱིངས་ནས་རང་བྱུང་གསལ།། ལྷུན་གྲུབ་ཡོངས
344b2 སུ་རྫོགས་ཞེས་བྱ།། དེ་ལྟར་དགོངས་པའི་དོན་ཤེས་ན།། ཉིན་མཚན་མེད་པའི་ཡེ་ཤེས་ཏེ།། རིག་པ་རྒྱུན་གྱི་རྟོགས་པའོ།། གླང་ཆེན་ཆུར་ཞུགས་དགོངས་པ་སྟེ།། ཉམ་ང་བག་ཚའི་ཤེས་པ་མེད།། ཅེས་གསུངས
344b3 སོ།། དབང་པོ་ཐ་མའི་ཉམས་བླང་ནི།། སེམས་གཟུང་རིག་པ་ཨར་ལ་གཏད།། བྱིང་བ་མི་གསེང་རང་སར་བསྒོམ།། དེ་ལྟར་བསྒོམས་ན་རིག་པ་ཟིན།། བར་དོར་རྟོགས་པ་གདོད་སྐྱེའོ།། ཞེས་གསུངས་སོ།། དུར་ཁྲོད
344b4 ཕུང་པོ་འབར་བའི་རྒྱུད་ལས། དབང་པོ་རབ་འབྲིང་ཟ་མ་གསུམ་གྱིས་ཉམས་སུ་བླང་ལུགས་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཁྲོ་གཉེར
344b5 ཅན།། ཕུང་པོའི་དོན་ལ་ཇི་ལྟར་སྦྱང་།། དུར་ཁྲོད་ཅེས་ནི་གང་ལ་བགྱི།། མཐོང་སྣང་རིམ་གྱིས་ཇི་ལྟར་འཆར།། རིག་པའི་རྒྱལ་པོས་གསུང་དུ་གསོལ།། ཞེས་ཞུས་སོ།། ཡང་གསུངས་པ། ཕུང་པོའི་དོན་ནི་འདི་བཞིན
344b6 ཏེ། ད་ལྟའི་བག་ཆགས་རྣམ་རྟོག་ལ།། རྟོགས་པའི་ཡེ་ཤེས་མ་སྐྱེས་པས།། མ་རིག་རང་གར་གཟུང་འཛིན་སྤྱད།། ཉོན་མོངས་དུག་ལྔའི་དབང་དུ་གྱུར།། རིག་པའི་ཡེ་ཤེས་ཕུང་ཞེས་བྱ།། པོ་ནི་རང་ས་མ་ཟིན་འཇིག
iiif viewer powered by OpenSeadragon
