| e-texts navigator |
| Wylie |
344a1 ནི།། གཟུགས་ཀྱི་ཕུང་པོ་ཉིད་ལའོ།། དེ་གསུམ་རིག་པའི་བཞུགས་གནས་ཡིན།། ཞེས་གསུངས་སོ།། དུར་ཁྲོད་ཕུང་པོ་འབར་བའི་རྒྱུད་ལས། གང་ཟག་གི་རྒྱུད་ལ་གྲོང་ཁྱེར་གསུམ་བརྩེགས་བསྟན
344a2 པའི་ལེའུ་སྟེ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཁྲོ་གཉེར་ལྡན།། བདག་ཅག་འདུས་པའི་འཁོར་ཚོགས་ལ།། ཉམས་སུ་བླངས་ལུགས་གསུང་དུ་གསོལ།། ཞེས
344a3 ཞུས་སོ།། སྟོན་པས་བཀའ་སྩལ་པ། འདུས་པའི་འཁོར་རྣམས་ངེས་ཟུང་ཞིག། ཉམས་སུ་བླང་ལུགས་བསྟན་པ་ནི།། ཡང་རབ་ཉམས་སུ་བླང་ལུགས་ནི།། སྤྱོད་ལམ་རྣམ་བཞི་གར་སྤྱོད་ཀྱང་།། ལྟ་བའི་ངང་ལས
344a4 གཡོས་པ་མེད།། རྒྱུན་ཆད་མེད་པའི་དགོངས་པའོ།། རྐང་མེད་མཁའ་ལ་འགྲོ་བ་ནི།། ལྟ་བ་འགྱུར་མེད་རྒྱབ་ཤར་བཤད།། གྲོགས་མེད་གཅིག་པུར་གནས་པ་ནི།། དགོངས་པ་ཉག་གཅིག་རྒྱབ་ཤར་བཤད།། འགྲོ
344a5 ཉལ་སྤྱི་ཚུགས་ཅི་བྱེད་ཀྱང་།། སྙིང་པོའི་དོན་ལས་གཡོས་པ་མེད། དེ་ལྟར་སྙིང་པོའི་དོན་རྟོགས་ན།། མ་རིག་པ་ཉིད་རྩད་ནས་བཅད།། རང་རིག་དང་པོའི་སོ་ལ་བཞག། ཤེས་བྱའི་སྒྲིབ་པ་ཀ་ནས་དག། འཁྲུལ་པའི
344a6 སྣང་བ་རྒྱ་ཡིས་བཏབ།། སྐུ་གསུམ་འདུ་འབྲལ་མེད་པའི་ངང་ན་གནས།། ཞེས་གསུངས་སོ།། ཡང་གསུངས་པ། དབང་པོ་འབྲིང་གི་ཉམས་བླངས་ནི།། བློན་པོ་བཙོན་དུ་ཟིན་པས་རྒྱལ་པོས་གདན་ས་ཟིན།། མ་ཡེངས
iiif viewer powered by OpenSeadragon
