| e-texts navigator |
| Wylie |
343b1 ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་ཁྲོ་གཉེར་ཅན།། གང་ཟག་གཟུགས་ཀྱི་ཕུང་པོ་ལ།། གྲོང་ཁྱེར་གསུམ་པོ་ཇི་ལྟར་བརྩེ།། བདག་ཅག་འདུས་པའི་འཁོར་ཚོགས་ལ།། བརྗིད་པའི་ཁྲོ་གཉེར
343b2 གསུང་དུ་གསོལ།། ཞེས་ཞུས་སོ།། ཡང་སྟོན་པས་བཀའ་སྩལ་པ།། འཁོར་བའི་གྲོང་ཁྱེར་སྡུག་བསྔལ་མཚོ།། ཕུང་པོར་རོ་སྨད་དག་ཡིན་ཏེ།། འདོད་པའི་འདོད་ཆགས་སྡུག་བསྔལ་རྒྱུ།། མི་གཙང་པ་ལ
343b3 ལོངས་སྤྱོད་ནས།། ཉོན་མོངས་དུག་ལྔ་སྣ་ཚོགས་བསྐྱེད།། དོན་ནི་དངོས་མེད་མ་རྟོགས་པར།། ལོག་སྲིད་འདོད་པ་སྣ་ཚོགས་སྤྱད།། ཆོས་སྐུ་གཉིས་མེད་དོན་རྟོགས་ན།། ཐུགས་རྗེ་བདེ་བའི་རང་བཞིན
343b4 བསྐྱེད།། རྒྱུ་ཉིད་རྡོ་རྗེ་དབྱིངས་ཉིད་དེ།། འབྲས་བུ་ཡེ་ཤེས་དཀྱིལ་འཁོར་རྫོགས།། ཞེས་གསུངས་སོ།། མྱ་ངན་འདས་པའི་གྲོང་ཁྱེར་ནི།། མངོན་པར་དགའ་བའི་ཞིང་ཁམས་ཏེ།། མཁྱེན་པ་ལོངས་སྐུའི་གནས
343b5 ཡིན་ནོ།། ཤེས་རབ་འབྱེད་མེད་རང་སར་ཤར།། ཐུགས་རྗེ་མ་འདྲེས་སོ་སོར་མཁྱེན།། ཤེས་རབ་སྲོག་ཏུ་གྱུར་པ་སྟེ།། རླུང་ལྔ་ལས་ནི་ཐ་དད་མེད།། རླུང་ཆེན་མི་བསྐྱོད་བཞི་རུ་གནས།། ཞེས་གསུངས་སོ།། སྲིད
343b6 པའི་གྲོང་ཁྱེར་རྗེ་བློན་བྱ་རའི་ས།། རྗེ་ནི་རིག་པ་ཆོས་སྐུ་ལ།། བློན་པོ་འགྱུར་མེད་སེམས་ཞེས་བྱ།། རྒྱལ་པོ་མི་འགྱུར་ཆོས་སྐུ་སྟེ།། ས་འཛིན་བློན་པོ་ཞེས་སུ་གྲགས།། གྲོང་ཁྱེར་གསུམ་བརྩེགས་མན་ངག
iiif viewer powered by OpenSeadragon
