| e-texts navigator |
| Wylie |
342b1 འགག་མེད་ལ།། རང་བཞིན་འོད་ཀྱི་སྣང་བ་ཤར།། དང་པོ་སྲིད་པ་ཞི་ནས་ནི།། ཐ་མ་ཕུང་པོ་མ་བོར་བར་དག་ཏུ།། ཆོས་ཉིད་རང་སྒོའི་ངང་ན་གནས།། ཐོག་མའི་ལྷུན་གྲུབ་སངས་རྒྱས་ཏེ།། ད་ལྟ་གསལ་བའི་སྒྲོན
342b2 མར་གནས། ཡོན་ཏན་འབྱུང་བའི་རིན་པོ་ཆེ།། སྐུ་གསུམ་ཡེ་ཤེས་ལྔ་རུ་ཤར།། འགྱུར་བ་མེད་པས་རྡོ་རྗེ་སྟེ།། རིག་པ་གནས་པས་སྦུབས་ཞེས་བྱ།། ཕུང་པོ་དག་ལ་མཚོན་གྱུར་ན།། ཆོས་ཉིད་རང་བྱུང་སྒོ་ཡིན་ནོ།། ཡེ
342b3 ཤེས་སྒྱུ་མའི་སྦུབས་ཞེས་ནི།། བྱང་ཆུབ་ལམ་གྱི་སྒྲོན་མ་སྟེ།། རྟོགས་ཀྱི་ཡེ་ཤེས་ཉིད་ལ་བཟུང་།། ཆོས་ཉིད་བར་དོ་ཞེས་ཀྱང་བྱ། རིག་པ་རང་ལུས་འོད་དུ་གནས།། སངས་རྒྱས་རྣམས་ཀྱི་རང་ལུས་ཏེ།། བརྟགས་ན
342b4 མེད་ལ་བཞག་ན་འབྱུང་བས་ལེགས་པ་ཆེ།། ཚོན་གང་འོད་ཀྱིས་ཀུན་ཏུ་ཁྱབ།། ཡེ་ཤེས་སྣང་བ་ཞེས་བྱ་སྟེ།། སྒྱུ་མ་སྦུབས་ཀྱི་ངོས་བཟུང་ངོ་།། རྣམ་རྟོག་བག་ཆགས་སྦུབས་ཞེས་ནི།། གཟུགས་ཀྱི་ཕུང་པོ་ཉིད་ཡིན
342b5 ཏེ།། དེ་མ་རྫོགས་ན་རྩལ་མི་རྫོགས།། རྩལ་མ་རྫོགས་ན་སྒོ་མི་རྒྱས།། སྒོམ་རྒྱས་ན་མཐའ་མི་ཆོད། མཐའ་མཆོད་ན་དོན་མི་རྟོགས།། ལུས་ངག་རྫོགས་ན་དགོངས་སངས་རྒྱས།། རྩལ་རྫོགས་ཆོས་རྣམས་ཀུན་གྱི
342b6 རྟོགས་མཐའ་ཆོད།། ཡང་དག་མཐའ་ལས་རྣམ་པར་གྲོལ།། དུས་གསུམ་འགྱུར་མེད་དགོངས་པ་ཆོད།། རྟོགས་པ་རྒྱུད་ལ་རབ་ཏུ་སྨིན།། ལྟ་བའི་ཟག་ནི་ཡོངས་སུ་བཅད།། བསྒྲུབ་པའི་དགོངས་པ་ཕུལ་དུ་དབྱུང་།། ཆུ
iiif viewer powered by OpenSeadragon
