| e-texts navigator |
| Wylie |
342a1 རྣམ་པ་ལྔ་ཡིན་ནོ།། རྣམ་གྲངས་དག་ནི་བརྒྱད་དུ་བསྟན།། ངེས་ཚིག་ཡེ་ནས་ཤེས་པས་ཡེ་ཤེས་སོ།། གློ་བུར་མིན་པས་ཡེ་ཤེས་སོ།། ཡེ་ནས་ཡོད་པའི་རིག་པ་དེ།། བླ་མ་དམ་པས་མཚོན་ནས་ནི།། རང
342a2 རིག་རྟོགས་པས་ཤེས་ཙམ་ན།། ཡེ་ཤེས་ཞེས་ནི་དེ་ལ་བྱ།། ངོ་བོ་ལམ་གྱི་སྒྲོན་མ་དེ།། མ་བུ་རྣམས་ལ་རང་ཆས་གནས།། ལམ་ནི་ཆོས་ཉིད་རྩ་རུ་བརྒྱུད།། སྒོ་ནི་བྷྲྀ་གུ་ཏ་རུ་ཤར།། ལས་ནི་ཤེས་རབ་ཐོགས
342a3 མེད་སྤྱོད།། ཡོན་ཏན་གཟུང་འཛིན་རྟོག་པ་མེད།། འབྲས་བུ་སྐུ་གསུམ་རང་ལ་རྫོགས།། ཕྱེད་པའི་མཚན་ཉིད་བསྟན་པ་ནི།། རྒྱུ་སྲང་གཅད་ལ་ཁ་ལ་གདོན།། རང་གསལ་འཛིན་མེད་ངང་ལ་བཞག། དབྱེ་དུས་ཕུང་པོ
342a4 བོར་བའོ།། གཟུང་འཛིན་ནམ་མཁའི་མཐའ་ལ་དངས།། ཕུང་པོ་ས་དང་རྡོ་དང་འདྲ།། ཡེ་ཤེས་ཞིང་ཁམས་རྣམ་པར་དག། སྒྲོག་ནི་གསུམ་སྦྲེལ་གྱེས་པ་བཞིན།། ཞེས་གསུངས་སོ།། དུར་ཁྲོད་ཕུང་པོ་འབར་བའི་རྒྱུད
342a5 ལས། སེམས་དང་ཡེ་ཤེས་དབྱེ་བའི་ལེའུ་སྟེ་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཁྲོ་གཉེར་ཅན།། སྦུབས་གསུམ་རྒྱུད་ལ་ཅི་འདྲ་མཆི།། སྐུ་གསུམ་འདུ་འབྲལ་ཡོད
342a6 དམ་མེད།། ཅེས་ཞུས་སོ།། ཡང་གསུངས་པ། ངས་བསྟན་ཡིད་ལ་ངེས་པར་ཟུང་།། རཏྣ་འགྱུར་མེད་སྦུབས་བསྟན་པ།། ཆོས་ཉིད་རང་སྒོར་གསལ་བ་ལ།། རིག་པ་རང་གདངས་འགྱུར་མེད་ཤར།། ཆོས་སུ་ངོ་བོ
iiif viewer powered by OpenSeadragon
