| e-texts navigator |
| Wylie |
341a1 རྟོག་པའི་རྩ་ཞེས་ཏེ།། རྩོད་པའི་སྒོ་གསུམ་དག་ཏུ་ཟུག། དེ་ལ་མིང་དུ་མཚོན་པ་ན།། ཤེས་རབ་མྱུར་བྱེད་མི་པོ་ཆེ།། རྣམ་ཤེས་རླུང་གི་རྟ་ལ་ཞོན།། གཟུང་འཛིན་ལྕགས་ཀྱུ་ལག་ན་ཐོགས།། རྩོད་པའི་སྒོ
341a2 གསུམ་དག་ཏུ་ཕྱིན།། སྣང་བའི་ཡུལ་ལ་གཟུང་འཛིན་སྤྱད།། རྣམ་ཤེས་ཚིམ་བྱེད་ཅེས་སུ་བྱ།། རིག་པའི་རྩལ་ནི་གཞི་རུ་འཛིན།། སྙིང་རྗེ་མེད་པ་བསྐལ་པའི་རླུང་ཞེས་བྱ།། དེ་དང་བདུད་ལངས་རྩ་རུ་འབྲེལ།། རྩ་དེ
341a3 འདུས་ན་འཆི་རྟགས་སོ།། སྲོག་ཏུ་འཛིན་པའི་རྩ་དག་གནས།། མདུད་པ་དར་ཤོག་རྩ་ཞེས་བྱ།། དེ་དང་བདུད་ལངས་རྩ་རུ་འབྲེལ།། སྡུད་བྱེད་རླུང་ཆེན་བརྟགས་པའོ།། ནག་པོ་སྡིག་མེད་རྩ་དེ་ནས།། དཔག་བསམ
341a4 ལྗོན་ཤིང་རྩ་ཞེས་ཏེ།། དེ་ནི་བཤད་པ་རང་བྱུང་རྩ་རུ་རྟག། དེས་ནི་ལུས་ཀྱི་དབང་པོ་བཟུང་།། ཐུགས་རྗེ་འབྱུང་བའི་དུས་ཉིད་ན།། རྩ་ནི་མདུད་པའི་ལྷག་སྒོ་ཞེས།། རྩ་ཆེན་དེ་རྣམས་དག་ཏུ་ནི། ཁྲག་དང་ཆུ་སེར་མི་རྒྱུ
341a5 སྟེ།། རིག་པའི་རྩལ་ནི་རླུང་དུ་རྒྱུ།། ངོ་བོ་འགག་མེད་གསལ་བ་ལ།། རྩ་ནི་དེ་རྣམས་དག་ཏུ་རྒྱུ།། རྩ་ལས་ཐུགས་རྗེ་སྦྲུལ་སྐུ་འབྱིན།། ལ་ལས་ཤེས་རབ་ཆེན་པོར་འཆར།། ལ་ལས་མི་བསྐྱོད་གཞི་རུ་འཛིན།། ལ་ལས
341a6 དུས་ཟད་འཆི་རྟགས་སྟོན།། ཕུང་པོའི་ནད་དུ་དེ་ལྟར་དབྱེ།། ཞེས་གསུངས་སོ།། དུར་ཁྲོད་ཕུང་པོ་འབར་བའི་རྒྱུད་ལས། རིག་པའི་གནས་ལུགས་དང་། རྩའི་དབྱེ་བ་བསྟན་པའི་ལེའུ་སྟེ་ལྔ་པའོ།། །། དེ་ནས
iiif viewer powered by OpenSeadragon
