| e-texts navigator |
| Wylie |
340b1 ཀྱང་།། མཚོན་པའི་སྒོ་ནས་སྣ་ཚོགས་སྣང་།། ཐུགས་མཆོག་རིག་པའི་ངང་ནས་དབྱེ།། རིག་པ་གཉིས་མེད་ཆོས་སྐུ་ལ།། སྦྲུལ་སྐུ་ཙམ་དུ་ཤར་བ་ནི།། ལམ་གྱི་སྒྲོན་མེའི་ཐིག་ལེ་སྟེ།། དངོས་མེད་དངོས་གསལ་འཛིན
340b2 མེད་དེ།། དྲུག་ནི་ཐུབ་པ་ཞེས་སུ་བསྟན།། དེ་ནི་རིག་པའི་རང་ལུགས་སོ།། དེ་ཤེས་ནས་ནི་རང་ས་ཟིན།། སྦྲུལ་སྐུ་དག་གི་དབྱེ་བའོ།། ཆོས་སྐུའི་ངོ་བོ་འགག་མེད་ལ།། ལོངས་སྐུ་ཤེས་རབ་འགག་མེད་སྤྱོད།། སྦྲུལ་སྐུ
340b3 གདུལ་བྱའི་ཡུལ་སྣང་བ།། མཚོན་པའི་དཔེ་ནི་ཉི་མའི་སྙིང་པོ་བཞིན།། ཉི་མའི་སྙིང་པོ་ཆོས་སྐུའི་དཔེ།། དེ་ལས་འོད་ཟེར་སྣ་ཚོགས་ཤར།། དེས་ནི་འགྲོ་དྲུག་མུན་པ་སེལ།། དེ་བཞིན་ཆོས་སྐུ་རྟོག་མེད
340b4 གསལ།། ལོངས་སྐུ་ཤེས་རབ་འགག་མེད་སྤྱོད།། སྦྲུལ་སྐུ་ཐུགས་རྗེས་ཉོན་མོངས་སྒྲོལ།། དེ་གསུམ་མཐའ་དག་གཅིག་གི་དང་།། ཆོས་སྐུའི་བཞུགས་གནས་རྒྱང་ཞགས་ཏེ།། ལོངས་སྐུའི་བཞུགས་གནས་ཙིཥྛ
340b5 ཡིན།། སྦྲུལ་སྐུའི་བཞུགས་གནས་སྒོ་ལྔའོ།། ཕུང་པོའི་ནང་དུ་དེ་ལྟར་དབྱེ།། ཞེས་གསུངས་སོ།། ཡང་གསུངས་པ། རྩ་ཡི་ལམ་ཞེས་བསྟན་པ་ནི།། རྒྱང་ཞགས་དག་ནས་རྩ་ཤར་བ།། ཆོས་ཉིད་རང་བྱུང་རྩ་ཞེས
340b6 བྱ། ནམ་མཁའི་མཐོང་ཁུང་སྒོ་ནས་རྩ་ཤར་བ།། གསང་བ་འགག་མེད་རྩ་ཞེས་བྱ།། རྩ་གཉིས་ཆད་པ་ཡིན་ནམ། དེ་བཞི་ཙིཏྟ་དག་ལ་ཟུག། ཚད་མེད་སྒོ་བཞིའི་རྩ་ཞེས་སོ།། ཙིཏྟ་རིན་ཆེན་གུར་ཕུབ་ནས།། གཟུང་འཛིན
iiif viewer powered by OpenSeadragon
