| e-texts navigator |
| Wylie |
339b1 རང་བཞིན་གསལ།། དྲི་ཉིད་རིག་པའི་གདངས་ཡིན་ཏེ།། དྲི་ཡི་རང་བཞིན་དངོས་པོ་མེད།། ཤར་ཡང་རིག་པའི་ངང་ལས་ཤར།། ཐིམ་ཡང་རིག་པའི་ངང་དུ་ཐིམ།། མཉམ་ཉིད་ཐུགས་ཀྱི་ཀློང་དུ་ཐིམ།། ལྕེ་ནི་ཁྱེའུ་སྤྱན
339b2 རས་གཟིགས།། རོ་མཆོག་རིག་པའི་ངང་ནས་གསལ།། སྣ་ཚོགས་རོ་ཡི་མཆོད་པ་སྟེ།། རོ་ནི་གཉིས་མེད་རིག་པར་ཐིམ།། རིག་པ་ཆོས་ཀྱི་སྐུ་ཉིད་ལ།། གཟུགས་ནི་སྐུ་ཡི་མཆོད་པ་ཡིན།། བདེ་ཆེན་ཐུགས་ཀྱི་མཆོད
339b3 པ་ཡིན།། དྲི་ནི་གསུང་གི་མཆོད་པ་ཡིན།། རོ་ནི་ཡོན་ཏན་མཆོད་པའོ།། ལུས་ནི་སྒྲིབ་པ་རྣམ་སེལ་ཏེ།། རེག་བྱ་སྣ་ཚོགས་ཡུལ་ལ་སྤྱད།། བདེ་བ་ཆེན་པོར་ཉམས་མྱོང་སྟེ།། བདེ་ཆེན་གཉིས་མེད་ངང་དུ་ཐིམ།། རེག་ནི
339b4 ཕྲིན་ལས་མཆོད་པའོ།། རིག་པ་རང་གྲོལ་ཤེས་ཙམ་ན།། རིག་པའི་རྒྱལ་པོ་རང་དབང་ཐོབ།། རིག་པ་གཉིས་མེད་ཆོས་སྐུ་ལ།། མཆོད་དང་མི་མཆོད་མི་མངའ་སྟེ།། རྟོགས་པ་བདེ་ཆེན་རྙེད་ཙམ་ན།། དོན་གྱི་ངོ་ལ
339b5 མཆོད་མི་མངའ།། མཚོན་པའི་ངོ་ནས་བཏགས་པ་ཙམ།། ཅིར་སྣང་ཅི་སྲིད་རིག་པའི་རྩལ།། རྒྱལ་པོའི་ངང་ལས་མ་རྟོགས་པ།། བློན་པོ་དམངས་ནི་ཡོད་མི་སྲིད།། མིང་དུ་བཏགས་ཀྱང་རིག་པའི་རྩལ།། རོལ་པ
339b6 མཛད་སྤྱོད་ཐུགས་རྗེ་འཆར།། དེ་ལྟར་རྟོགས་ན་དགོངས་པའི་མཆོག། ཅེས་གསུངས་སོ།། དུར་ཁྲོད་ཕུང་པོ་འབར་བའི་རྒྱུད་ལས། དམངས་ཀྱི་བཤད་པའི་ལེའུ་སྟེ་བཞི་པའོ།། །། ཡང་ཞུས་པ། ཀྱེ་ཀྱེ་བརྗིད
iiif viewer powered by OpenSeadragon
