| e-texts navigator |
| Wylie |
339a1 མཆོད་པའི་དམངས།། མ་རྟོགས་པ་ཡི་དུས་ཉིད་ན།། སྒོ་ལྔའི་རྣམ་ཤེས་རྣམ་པ་ལྔ།། སྣ་ཚོགས་རྐྱེན་གྱིས་ཡུལ་ལ་སྤྱོད།། སྡུག་མི་སྡུག་གི་ཡུལ་གསུམ་སྐྱེ།། སྣ་ཚོགས་སྤྱད་ཀྱིན་ཡུལ་ལ་འཕྱོ།། གཟུང
339a2 འཛིན་རྣམ་རྟོག་རྒྱུན་དུ་བསགས།། སྒྲིབ་པ་གཉིས་ཀྱིས་ཡུན་དུ་བསྒྲིབས།། མ་རིག་བདག་ཏུ་ངེས་པར་གཟུང་།། རྒྱུད་དྲུག་དག་ཏུ་རྟག་ཏུ་འཁོར།། མ་རྟོགས་དུས་ན་དེ་ལྟར་སྣང་།། གསོག་པའི་དམངས་ཏེ་ཡུལ
339a3 ལ་སྤྱད།། ཡིད་ཀྱི་རྣམ་ཤེས་བདག་ཏུ་བཟུང་།། རྒྱལ་པོ་མུན་པའི་ནང་ན་འཁྱམས།། ཡང་གསུངས་པ། མཆོད་པའི་དམངས་ནི་འདི་ལྟ་སྟེ།། སྒོ་ལྔའི་རྣམ་པར་ཤེས་པ་སྟེ།། བྱང་ཆུབ་སེམས་ཀྱི་ཁྱེའུ་ལྔ།། མིག་ནི་ས་ཡི
339a4 སྙིང་པོ་སྟེ།། སྣང་བའི་ཡུལ་ལ་ཤེས་པ་ཤར།། མཐོང་བའི་གཟུགས་ནི་སྣ་ཚོགས་སྤྱད།། རིག་པའི་ངོ་བོ་འཛིན་མེད་དེ།། འཛིན་མེད་ངང་ལས་རྩལ་དུ་ཤར།། སྣང་བ་རྣམས་ལ་རྒྱ་ཡིས་བཏབ།། མི་འགྱུར་དང་དུ་རང
339a5 སར་གྲོལ།། ཤར་བའི་དུས་ན་ཐུགས་རྗེའི་རྒྱན།། གྲོལ་བའི་དུས་ན་རྒྱལ་པོ་མཉེས།། ས་ཡི་སྙིང་པོ་འགྲོ་བ་འཛིན།། རྣ་བ་ཕྱག་ན་རྡོ་རྗེ་སྟེ།། ཐོས་བྱ་མ་འགགས་ཡུལ་ལ་སྤྱད།། སྒྲ་ཡིས་རོལ་མོའི་མཆོད་པ་སྟེ།། རིག
339a6 པ་སྐྱེ་མེད་ངང་དུ་ཐིམ།། རིག་པ་རང་གསལ་བརྡ་ཡིན་ཏེ།། གདངས་ནི་རང་གསལ་དག་ཏུ་ཐིམ།། སྐྱེ་མེད་ཆེན་པོའི་མཆོད་པའོ།། སྣ་ནི་ནམ་མཁའི་སྙིང་པོ་སྟེ།། བསྒོམ་བྱའི་རིག་པའི་རྩལ་ཡིན་ཏེ།། སྣང་བའི་དྲི་མ
iiif viewer powered by OpenSeadragon
